Storja
FILMAT: Għaliex importanti nfakkru l-Maltin internati fl-Italja ?

Illejla fid-9.30pm fuq TVM se jixxandar l-ewwel episodju minn tlieta tad-dokumentarju Maltin Internati fl-Italja – Storja Vera – li jirrakkonta u janalizza għall-ewwel darba dak li għaddiet minnu l-komunità Maltija fi Tripli fit-Tieni Gwerra Dinjija.

Il-ġrajja tal-Maltin Internati fl-Italja kienet għoddha intesiet għal kollox u anki dawk li għaddew minnha rari kienu jitkellmu fuqha.

Id-dokumentarju huwa bbażat fuq riċerka li saret f’arkivji fl-Italja u huwa mħawwar b’intervisti ma’ numru ta’ eks internati Maltin, b’filmati li ttieħdu waqt żjarat f’kampijiet ta’ konċentrament fl-Italja li għadhom jeżistu, u b’ritratti storiċi u esklussivi tal-Maltin waqt l-internament.

Ir-riċerka turi li fl-1940, saħansitra qabel ma d-dittatur Faxxista Taljan Benito Mussolini ddikjara gwerra kontra l-Ingilterra u Franza, l-awtoritajiet Taljani fil-Libja internaw l-ewwel familji Maltin. Sa Jannar tal-1942 mal-2,000 Malti ta’ Tripli – prattikament il-komunità kollha – kienu ġew internati u ttieħdu lejn kampijiet tal-konċentrament fl-Italja.

Id-dokumentarju jispjega kif it-Tripolini kellhom passaport Ingliż u l-awtoritajiet Taljani fil-Libja beżgħu li dawn kienu jispijaw kontrihom.

Id-dokumentarju huwa riċerkat u miktub mill-ġurnalist tal-kamra tal-aħbarijiet tal-PBS Mario Xuereb bl-għajnuna tar-riċerkaturi Taljani Andrea Giuseppini u Marilinda Figliozzi.

Iż-żewġ episodji l-oħra tad-dokumentarju se jixxandru għada l-Erbgħa 26 ta’ Settembru u l-Ġimgħa 28 ta’ Settembru fid-9.30pm fuq TVM.

Aħbarijiet Oħra
Xogħol

L-iskema ta’ xogħol fil-komunità li bdiet fl-2016 kienet taħt il-lenti tal-Awditur Ġenerali li f’rapport li ippreżenta lill-Ispeaker ta ċertifikat pjuttost tajjeb lill-iskema għalkemm iħeġġeġ lill-entitajiet governattivi involuti biex itejjbu l-moniteraġġ…

Ambjent

Malta, flimkien ma’ 8 pajjiżi oħra tal-Unjoni Ewropea u żewġ stati assoċjati, se tkun qed tnaddaf il-bajjiet tagħha f’dak li dak jissejjaħ bħala l-Blue Mediterranean Clean-Up Week. Fl-ewwel ġimgħa ta’…

Blockchain

Erba’ xhur wara li Malta saret l-ewwel pajjiż fid-dinja li użat is-sistema tal-blockchain fil-ħruġ taċ-ċertifikati għall-istudenti, it-teknoloġija tal-blockchain se tibda tintuża għal kuntratti tal-kirjiet, meta fil-jiem li ġejjin se tkun…

Qorti

Il-Pulizija ressqet il-Qorti żagħżugħ u xlietu li bejn Frar u Mejju wettaq ħames serqiet ta’ flus u ġojjelli minn residenzi fl-Imsida u San Pawl il-Baħar. Aliosha Emnadze, Ġorġjan ta’ 24…

Aktar