Filmat: nies fit-triq isellmu flotta tal-ISIS fil-Libja – jaħtfu aktar Eġizzjani wara l-attakki mill-Eġittu

Filmati ġodda ppubblikati mill-militanti Iżlamiċi tal-Istat Iżlamiku, juru flotta ta’ karozzi tat-tip Toyota Land Cruisers iġorru l-bandiera simbolika tal-grupp terrorista f’parata tul it-toroq Libjani. Nisa, irġiel u anki tfal jidhru jsellmu lill-militanti huma u jsuqu liberalment fit-toroq ta’ dik li hija maħsuba li hi l-belt ta’ Benghazi.

libja

Il-filmat ta’ propaganda ittella’ online mill-grupp terrorista Ansar al-Sharia li f’Ottubru li għadda kien iddikjara li jappoġġja lill-militanti Iżlamiċi tal-IS. F’Novermbru n-Nazzjonijiet Magħquda kienet iddikjarathom grupp terrorista. Qed ikun maħsub li kien l- Ansar al-Sharia l-moħħ wara l-eżekuzzjoni tal-21 Eġizzjan Nisrani fil-Belt ta’ Sirte.

Kulma ma jmur qed tkompli wkoll tiżdied il-biża’ li 35 Eġizzjan ieħor li nħatfu mill-grupp terrorista b’ritaljazzjoni għall-attakki mill-ajru tal-Eġittu fil-belt ta’ Derna t-Tnejn li għadda, jistgħu jbatu l-istess destin tal-21 Kristjan kopti.

is

Ħafna mill-gruppi estremisti li qed jabitaw fil-Libja, fosthom l-Ansar al-Sharia, il- Libya Dawn u anki dawk magħrufa bħala Islamic Youth Shura Council, iddikjaraw l-appoġġ tagħhom lejn l-Istat Iżlamiku li min-naħa tagħhom approfittaw ruħhom mis-sitwazzjoni fil-Libja biex jistabbilixxu posthom fl-Afrika ta’ Fuq. Qed ikun irrapportat li l-ibliet li rnexxielhom jaħtfu taħt idejhom l-IS fil-Libja jinkludu Nofaliya, Benghazi, Derna u Sirte.

 

 

Aħbarijiet Oħra
Barranin

Tifel ta’ disa’ snin mill-Belġju mistenni jiggradwa mill-università u jikseb degree. Laurent Simons qed jistudja l-electrical engineering fl-Università tat-Teknoloġija f’Eindhoven, kors meqjus bħala wieħed iebes anke għal studenti ta’ età…

Barranin

F’esperiment straordinarju, il-linja tal-ajru Qantas kisret rekord dinji, hekk kif irnexxielha ttir minn Londra għal Sydney, b’mod dirett. It-titjira, li kienet twila kważi 18,000 kilometru, damet għaddeja 19-il siegħa, u…

Barranin

Żewġ żgħażagħ inqatlu, u tlieta oħra ndarbu, wara li student spara fuq sħabu fi skola sekondarja f’Kalifornja. L-isparatura seħħet f’Saugus High School f’Santa Clarita, fit-Tramuntana ta’ Los Angeles, ftit tal-minuti…

Barranin

Wara 48 siegħa jgħixu mumenti mill-aktar drammatiċi, ir-residenti u s-sidien tan-negozji f’Venezja ħadu ftit tan-nifs hekk kif stenbħu f’temp bnazzi u bil-livell tal-ilma inqas mir-rekord ta’ kważi żewġ metri fis-sigħat…

Aktar