Barranin
Filmat: vapuri jsalvaw 730 immigrant mill-Mediterran

Matul il-lejl li għadda, għadd ta’ vapuri salvaw mas-730 immigrant minn fuq numru ta’ dinghies u dgħajjes tal-injam mill-baħar Mediterran.

Il-gwardji tal-kosta Taljani qalu li l-immigranti ġew salvati waqt seba’ operazzjonijiet ta’ salvataġġ minn fuq tliet dinghies u erba’ dgħajjes tal-injam.

Gillian Moyes mill-aġenzija internazzjonali Save the Children qalet li dawn l-operazzjonijiet ta’ salvataġġ isegwu għexieren oħrajn fl-aħħar ġimgħat. Hija żiedet tgħid li qed tiġi osservata żieda ta’ immigranti li qed jaqsmu l-baħar Mediterran u li bis-sitwazzjoni kif inhi, m’hemmx biżżejjed kapaċità biex isiru operazzjonijiet ta’ tfittxija u salvataġġ fil-Mediterran.

Fi stqarrija, il-Ministru għad-Difiża Spanjol qal li total ta’ 526 persuna, fosthom tmien nisa tqal u disat itfal li kienu fi triqithom lejn l-Italja ġew salvati minn fuq vapur li beda jagħmel l-ilma.

Apparti dawn, il-Gwardji tal-Kosta Taljani qalu li s-Sibt salvaw mat-800 immigrant ieħor minn fuq dinghies f’sitt operazzjonijiet fil-Mediterran.

Il-ġimgħa li għaddiet, il-Ministru tal-Intern Taljan qal li l-wasliet tal-immigranti fl-Italja żdiedu b’65,000 jew bi 18 fil-mija meta mqabbel mal-istess perjodu s-sena li għaddiet.

Aħbarijiet Oħra
Barranin

Il-Pulizija Brażiljana arrestat madwar 108 persuna li huma suspettati b’involviment fil-pedofelija. F’operazzjoni madwar il-pajjiż, il-pulizija Brażiljana rnexxielha tkisser ċirku ta’ pedofelija li kien mifrux f’diversi stati. F’din l-operazzjoni kienu involuti…

Barranin

Il-kabinett Spanjol mistenni japprova miżuri li jippermettu lill-Gvern sabiex imexxi hu r-reġjun ta’ Katalunja. Il-Prim Ministru Mariano Rajoy se jlaqqa’ l-kabinett tliet ġimgħat wara li fir-reġjun sar referendum għall-indipendenza. Il-Gvern…

Barranin

Fl-2015, disa’ miljun persuna madwar id-dinja mietu kawża ta’ tniġġiż fl-arja. Dan ġie żvelat mill-ġurnal internazzjonali The Lancet, li jgħid li l-maġġoranza tal-imwiet seħħew l-iktar f’pajjiżi fqar jew f’pajjiżi fejn…

Barranin

Ġurnata qabel jagħlaq l-ultimatum biex ir-reġjun Katalan fi Spanja jiċċara l-pożizzjoni tiegħu dwar l-indipendenza, id-Deputat Prim Ministru Spanjola Soraya Saenz de Santamaria tat twissija lill-Mexxej tal-Katalunja Carles Puigdemont biex iwaqqaf…

Aktar