Barranin
FILMAT XOKKANTI: Jimbotta raġel taħt trakk f’Los Angeles

Kienet xena li xxokkjat lil eluf kbar ta’ nies madwar id-dinja dik li nqabdet fuq kamera tas-sigurtà fl-Istati Uniti iktar kmieni din il-ġimgħa.

Raġel, liebes ġakketta bil-barnuża mtella’, jidher bilqegħda fuq bank fuq bankina f’Los Angeles. Meta tgħaddi mara minn quddiemu, ir-raġel jidher qisu se jagħti s-salt, iżda mbagħad jibqa’ fejn kien.

Eżatt wara din il-mara jgħaddi raġel imdaħħal fiż-żmien, bir-raġel li kien fuq il-bank pront iqum u jimbuttah għal ġot-triq, eżatt quddiem trakk li kien għaddej dak il-ħin.

L-anzjan spiċċa taħt ir-rota ta’ quddiem tat-trakk, u sofra ġrieħi serji, fosthom ksur f’diversi partijiet ta’ ġismu, kif ukoll pulmun mgħaffeġ.

Għal ħafna l-aktar parti xokkanti mill-attakk kien li seħħ kiesaħ u biered, li ma kienx personali u li sar mingħajr ebda provokazzjoni, fejn l-aggressur jidher jagħżel vittma bl-addoċċ.

L-aggressur ġie arrestat f’inqas minn 24 siegħa, hekk kif xi persuni li kienu raw il-filmat għarfuh mill-ġakketta u għarrfu lill-awtoritajiet.

Suspect arrested after shoving random passerby into LA traffic

SIDEWALK SHOVE: Shocking surveillance footage shows the moment a man pushes a random passerby into the path of an oncoming truck in downtown Los Angeles. The victim suffered a collapsed lung and multiple broken bones; the suspect has been arrested. abcn.ws/2Sy0VaC

Gepostet von ABC World News Tonight with David Muir am Donnerstag, 6. Dezember 2018

Aħbarijiet Oħra
Barranin

Fil-qalba ta’ Bristol, l-Ingilterra, statwa ġdida ta’ dimostranta sewda ħadet post statwa ta’ Edward Colston li kien jinnegozja l-iskjavi fis-seklu 17, wara li tal-aħħar twaqqet minn domostranti kontra r-razziżmu x-xahar…

Barranin

Il-President Franċiż Emmanuel Macron laqa’ lill-Prim Ministru Spanjol Pedro Sanchez f’Pariġi jumejn qabel is-summit Ewropew li mistenni jitlaqqa’ għall-ewwel darba wara l-pandemija fi Brussell. Fuq nett tal-aġenda mistenni jkun hemm…

Barranin

Il-kumpanija tat-tekonoloġija Apple mhux se tkun obbligata li tħallas mat-€13-il biljun f’taxxi b’lura lill-Irlanda wara li rebħet l-appell li fetħet quddiem it-tieni l-għola Qorti fl-Unjoni Ewropea. Il-Qorti Ewropea irrevokat deċiżjoni…

COVID-19

Hong Kong reġa’ daħħal fis-seħħ miżuri stretti biex tinżamm id-distanza soċjali fl-isfond tat-tielet mewġa ta’ coronavirus li qed tinfirex mal-belt. Il-passiġġieri kollha fuq it-trasport pubbliku huma obbligati li jilbsu maskra….

Aktar