Lokali
Finanzjament ta’ €10 miljuni għal proġett fl-immaniġġjar tal-ilma f’Malta

Kważi ġimgħa wara li l-Kummissjoni Ewropea ħabbret finanzjament ta’ aktar minn €10 miljun  għal proġett fil-qasam tal-immaniġġjar tal-ilma f’Malta, il-Ministri Joe Mizzi u José Herrera taw dettalji tal-inizjattivi li ser isiru b’dawn il-fondi flimkien ma’ seba’ miljun ewro oħra li ser jinħarġu mill-Gvern.

Bil-proġetti li b’kollox ser jiswew €17-il miljun mistennija li jintlaħqu mal-50,000 dar biex jingħataw għajnuna dwar kif jistgħu jnaqqsu l-konsum tal-ilma. Il-Ministri Joe Mizzi u José Herrera qalu li ser jitwettqu 85 proġett dwar il-konservazzjoni tal-ilma fl-iskejjel u ser jiġu żviluppati ħames siti fejn teknoloġiji u prattiċi ġodda dwar l-immaniġġjar tal-ilma. Ser isir ukoll programm ta’ monitoraġġ għall-kwalità tal-ilma u ser jiġu rrestawrati l-widien u żoni kostali ta’ importanza ekoloġika.

Intqal li dawn il-proġett taħt il-programm LIFE tal-Unjoni Ewropea ser isiru fuq medda ta’ tmien snin u ser jinvolvu entitajiet minn erba’ ministeri. Dr Herrera qal li dan se jkun wieħed mill-ikbar proġetti li ġew finanzjati mill-Kummissjoni Ewropea taħt il-programm LIFE fl-Ewropa.

Aħbarijiet Oħra
Lokali

Il-Fondazzjoni RISE ser tiftaħ it-tieni dar għall-priġunieri li waslu fl-aħħar sena biex jiskontaw is-sentenza. Il-Fondazzjoni għandha programm li jgħin b’ħiliet biex jintegraw fis-soċjetà meta jiskuntaw is-sentenza. Il-Ministru Michael Farrugia qal…

Partit Laburista

Il-Partit Laburista permezz tal-Ministru għal Għawdex Justyne Caruana u l-kandidat għall-elezzjoni tal-Parlament Ewropew Alex Agius Saliba qal li l-Kap tal-Oppożizzjoni Adrian Delia huwa maqtugħ mir-realtà u ma jafx x’qed jiġri…

Lokali

Reċta dwar l-immigrazzjoni kellha titħassar minħabba li wieħed mill-atturi ma kellux il-viża biex jiġi Malta. Phosphoros Theatre kienet kostretta li tħassar ir-reċta f’Malta minħabba li attur minnhom ma applikax għall-viża….

Annimali

Għas-Supretendent Mario Haber is-sejba ta’ kelb mejjet u erbat iqtates ħajjin fid-dar ta’ mara mejta f’San Pawl il-Baħar “kien każ uniku”. Is-Supretendent Haber tkellem ma’ Moira Delia dwar x’sabu l-Pulizija…

Aktar