Fir-rebbiegħa se ssir l-ewwel fiera nazzjonali għar-raħħala u bdiewa

Fir-rebbiegħa se ssir l-ewwel fiera nazzjonali għar-raħħala, bdiewa u dawk kollha li jipproċessaw il-prodotti lokali biex jesebixxu l-prodotti tagħhom u jispjegaw l-proċessi konnessi mas-settur.

L-ewwel edizzjoni tal-Fiera Agrikola Nazzjonali fiċ-ċentru tal-fieri u l-konvenzjonijiet f’Ta Qali se ssir b’investiment ta’ €650,000. Din mistennija tkun vetrina tal-biedja lokali, tar-raħħala, tas-sajjieda u l-produtturi biex jesebixxu l-prodotti u jinformaw lill-pubbliku dwar ir-rabta ta’ dawn is-setturi biex il-konsumatur ikollu ikel frisk u ġenwin.

Is-Segretarju Parlamentari Clint Camilleri qal li se jkun hemm madwar 82 esebitur li se jipparteċipaw fil-fiera f’April tal-2020. Il-Perit Camileri qal li l-fiera għandha l-għan li tindirizza perċezzjonijiet żbaljati dwar il-biedja u l-oqsma marbuta maghha waqt li tippromovi l-aħjar prattiċi fis-settur.

“M’għandix immorru fuq il-kwantità anki minħabba d-daqs u ċ-ċokon ta’ pajjiżna iżda għandna mmorru fuq il-kwalità…. propju din narawha wkoll meta nkunu mistiednin f’fieri oħrajn ġewwa l-Ewropa u anki barra l-Ewropa fejn kulħadd jippreżenta l-prodott tiegħu u l-istorja wara l-prodott tiegħu”

Is-Segretarju Parlamentari qal li l-proċess tal-biedja ma jinvolvix biss dak li isir fl-għelieqi iżda jkopri katina sħiħ sakemm il-prodott jasal fuq il-mejda tal-konsumaturi. Qal li għad hemm l-idea żbaljata li l-biedja f’Malta għadha tradizzjonali. Sostna li hemm bdiewa li qed jaddottaw metodi aħjar u iżjed effiċjent b’diversi teknoloġiji u prattiċi innovattivi.

Aħbarijiet Oħra
Politika

Il-ġurnal Times of Malta rrapporta kif f’Settemrbu tal-2018, in-negozjant Yorgen Fenech u l-eks Assistent Kummissarju Silvio Valletta siefru flimkien biex isegwu logħba futbol. Ġie rrappurtat kif Fenech li qed jiġi…

Kultura

Fil-Kapitali se tibda kompetizzjoni mużikali b’differenza hekk kif il-ġurija mhux biss se tivvota għall-aqwa siltiet u prestazzjoniet iżda għall-aqwa vjolin. Matul il-Malta International Violin Making Competition se jiġu ġġudikati 70…

Aktar