Kurżitajiet
F’Istati Uniti – avviż li l-kafè jġib miegħu l-kanċer

Il-kafè f’Kalifornja jaf jibda jinbiegħ b’avviż li javża kontra r-riskju tal-kanċer.

Skont il-Council for Education and Research on Toxics, il-kimika acrylamide li tinsab fil-kafè taf tikkawża l-kanċer.

Din il-kimika tinħoloq meta ninkaljaw iż-żerriegħa tal-kafè.

Fl-2010, il-Council for Education and Research on Toxics saħansitra tellgħet bosta kumpaniji li jagħmlu jew ibiegħu l-kafè l-qorti bħal Starbucks fuq il-fatt li qatt ma javżaw dwar dan il-periklu.

Il-biċċa l-kbira tal-kumpaniji qablu li jibdew javżaw lill-klijenti dwar dan ir-riskju.

Ix-xafra hija waħda taqta’ miż-żewġ naħat l-għaliex, kienu bosta l-istudji li kkonfermaw il-benefiċċji li għandu l-kafé fuq is-saħħa tal-bniedem. L-istudji kienu sabu li l- kafè inaqqas ir-riskju tal-mard tal-qalb, tad-dijabete, tal-Alzheimer’s, il-kanċer tal-ġilda u dak tal-prostata.

Iżda studji riċenti qed jippuntaw lejn il-preżenza ta’ din il-kimika li hija velenuża għall-bniedem. Din il-kimika insibuha wkoll fil-ħobż, fis-cereal, fis-sigaretti, fiż-żebbuġ iswed tal-bott u fil-cookies.

Skont l-uffiċjal tal-Council for Education and Research Raphael Metzger, il-pajjiż qed ibati mill-epidemija tal-kanċer li jemmen tinbet mill-ikel ikkunsmat.

Aħbarijiet Oħra
Kurżitajiet

Ingliża kellha triplets minkejja li kienet qed tieħu pillola li suppost kellha tkun kontraċettiv.  Hannah Donaghue ta’ 29 sena minn Northampton bdiet tieħu dawn il-pilloli 8 snin ilu wara li…

Barranin

Il-kantanta Katy Perry u l-attur Orlando Bloom jidher li tgħarrsu f’Jum San Valentinu.  Fuq is-siti soċjali, Perry tellgħat ritratt tagħha ma’ Bloom b’ċurkett f’subgħajha u fl-isfont ta’ ħafna bżieżaq ħomor…

Kurżitajiet

Din hija mistoqsija li ssir lil ħafna speċjalisti tal-ġilda.  Saru diversi studji b’uħud jgħidu li veru u oħrajn juru li m’hemmx relazzjoni bejn iċ-ċikkulata u l-ponot. Ikel rikk fil-karboidrati u…

Kurżitajiet

Bħal-lum, jum San Valentinu, madwar id-dinja jitqassmu mal-50 miljun warda. Mal-ward illum ukoll fl-Istati Uniti jitqassmu mat-8 biljun ċikkulata. F’jum l-imħabba, madwar id-dinja mat-220,000 persuna jipproponu lill-maħbub/a. Għalkemm ħafna jiċċelebraw…

Aktar