Barranin
Fit-Tajlandja: Salvati l-ewwel 4 subien mill-għar Tham Luang

Inħarġu f’operazzjoni delikata u riskjuża l-ewwel erbat’itfal li ilhom ġimagħtejn maqbuda f’sistema ta’ għerien fit-Tajlandja. Il-kundizzjoni ta’ saħħithom ġiet deskritta bħala tajba. L-operazzjoni biex jinħarġu l-kumplament tat-tmient’itfal u l-kowċ tat-tim tal-futbol ġiet sospiża b’għaxar sigħat u se tissokta għada bit-tama li dawn jinħarġu f’xi ħin matul il-ġurnata tat-Tnejn. L-operazzjoni hi litteralment ġlieda mal-ħin billi hi mbassra aktar xita għall-jiem li ġejjin.

Wara ġimagħtejn ta’ taqtigħ il-qalb, it-tfal Tajlandiżi li ntilfu f’għerien parzjalment mgħarrqa fit-Tramuntana tat-Tajlandja, bdew jinħarġu wieħed wieħed b’diffikultajiet kbar f’operazzjoni li fiha qed jieħdu sehem għexerien ta’ għaddasa tal-post u oħrajn barranin.

L-ewwel subien inħarġu mill-għerien seba’ sigħat wara li l-awtoritajiet Tajlandiżi ħabbru li bdew l-operazzjoni ta’ salvataġġ.

Tim ta’ 90 għaddas espert, 40 mit-Tajlandja u 50 minn pajjiżi oħra studjaw is-sistema tal-għerien. L-aċċess għal fejn qegħdin is-subien u lura barra mill-għar hu diffiċli ħafna anki għall-aktar għaddasa b’esperjenza.

L-operazzjoni delikata mill-għaddasa bdiet il-Ħadd, għaliex ma setgħetx tistenna iżjed kemm għat-tfal kif ukoll minħabba l-biża’ li l-livell tal-ilma fl-għerien ikompli jogħla.

L-għaddasa qed jiggwidaw lis-subien mill-passaġġi dojoq fid-dlam nofshom mgħarrqa bl-ilma lejn l-bokka tal-għar. Dan l-istess passaġġ diġà sewa l-ħajja ta’ eks għaddas tal-qawwa navali Tajlandiża nhar il-Ġimgħa.

Il-kap tal-operazzjoni ta’ salvataġġ qal li l-missjoni miexja ħarir. Madankollu, l-operazzjoni waqfet għal 10 sigħat minħabba li waqa’ l-livell tal-ossiġnu fl-għerien u issa mistennija tkompli t-Tnejn filgħodu.

Il-Korrispondent ta’ Reuters, Panu Wongcha-Um qal “we have been told that this operation could take up to three to four days and we were told that they will gradually bring the boys out, one by one, with two divers per one of the trapped boys. What we know also is that the authorities say they are racing against time and this is the perfect opportunity, as the rain is about to arrive and if they don’t act now they may have to reassess and the rescue operation may have to be delayed for a long time.”

Biex jinħargu minn dan l-abbiss, it-tfal iridu jimxu, jixxabtu u jgħoddsu fi dlam ċappa ggwidati minn ħbula li tpoġġew apposta għall-operazzjoni ta’ salvataġġ biex joħorġu minn fejn qegħdin. Kull tifel qed ikun akkumpanjat minn żewġ għaddasa fil-vjaġġ tiegħu ‘l barra mill-għar.

L-agħar biċċa tal-vjaġġ tinsab nofs triq, f’parti magħrufa bħala T-Junction, li tant hija dejqa li l-għaddasa jridu jneħħu t-tank tal-ossiġnu minn wara daharhom sabiex jgħaddu.

Aħbarijiet Oħra
Barranin

Il-kunsill militari tas-Sudan u l-alleanza ċivili fl-Oppożizzjoni ffirmaw ftehim li bih se jinqasam il-poter. Il-ftehim se jara t-twaqqif ta’ kunsill ġdid biex jigverna li jkun jinkludi kemm membri pajzana u…

Barranin

Il-pulizija f’Hong Kong niżlet fit-toroq ewlenin tad-distrett Mong Kok biex iżomm lid-dimostranti li nġabru barra l-għassa tal-pulizija. Wara li skalat il-vjolenza fl-aħħar jiem, id-dimostrazzjonijiet ta’ tmiem din il-ġimgħa huma kruċjali…

Immigrazzjoni

Il-fundatur u direttur tal-vapur tal-għaqda mhux governattiva Spanjola Open Arms li jinsab wieqaf ‘il barra mill-kosta tal-Italja qal li ma jistax jigarantixxi aktar is-sigurtà tal-134 immigrant abbord wara li l-vapur…

Barranin

Id-dipartiment tal-ġustizzja Amerikan ħareġ mandat sabiex jieħu tanker taż-żejt Iranjan li jinsab miżmum f’Ġibiltà, l-għada li Imħallef f’Ġibiltà ordna li jiġi rilaxxat. It-tanker Grace 1 qed iġorr aktar minn żewġ…

Aktar