Ambjent
Fittex, Iġbor u Armi – kampanja ġdida għal bajjiet aktar indaf

Bl-emfasi fl-aħħar snin fuq il-ħsara u t-tniġġiż tal-ambjent marittimu mill-plastik, f’Malta nibtet kampanja oħra mmirata sabiex il-bajjiet madwar il-gżejjer Maltin jinżammu aktar indaf.

Fittex, Iġbor u Armi – tliet azzjonijiet żgħar li kampanja ġdida qed tħeġġeġ lil kull min imur il-baħar biex fi sforz kollettiv il-bajjiet ikunu aktar indaf.

Il-kampanja qed titmexxa mill-fundaturi tal-website whichbeach.com.mt li tagħti pariri lil eluf ta’ persuni dwar liema huma l-aħjar bajjiet għall-għawm.

Għal din il-kampanja kkolaboraw mal-għaqda mhux governattiva Żibel, mal-Awtorità tat-Turiżmu u stazzjon tar-radju (XFM) bil-għan li jrawmu kultura fost il-pubbliku li meta jaraw skart mormi fuq il-bajjiet speċjalment plastik, jiġbruh u jarmuh fil-kontenituri tal-iskart li jkun hemm fil-bajja.

Glenn Grech, wieħed mill-fundaturi tal-portal, qal li din hija xi ħaġa li għandna bżonn nagħmlu bħala pajjiż u kull persuna mħeġġa tiddedika biss ħames minuti biex tkun parti mill-kampanja.

“Jekk inti tmur tagħmel sagħtejn jew tlieta l-baħar, billi tagħmel ħames minuti tiġbor flixkun tal-plastik, m’intix qed tagħmel xi ħaġa ħażina. Fl-aħħar mill-aħħar mhux se tiġbor xi ħaġa maħmuġa, huwa flixkun tal-plastik li huwa vera ħażin għall-baħar” qal Glenn Grech.

Qal li jekk kull min imur il-baħar jagħmel il-parti tiegħu, il-bajjiet mhux biss ikunu aktar indaf imma aktar importanti, l-iskart mormi fihom ma jispiċċax fl-ekosistema tal-baħar.

Aħbarijiet Oħra
Edukazzjoni

L-Aġenzija Nazzjonali tal-Litteriżmu b’kollaborazzjoni mal-Malta Football Association organizzat ċelebrazzjoni fl-Istadium Nazzjonali Ta’ Qali fl-okkażjoni ta’ tmiem ir-raba’ ċiklu tal-programm ‘Bil-Qari u l-Kitba Niskorja’ Footballers’ Read and Write Programme’. F’din l-attività,…

Qorti

Kurt Grima ntbagħat 20 xahar ħabs wara li nqabad jagħti verżjonijiet differenti fil-Qrati ta’ x’ġara f’Ottubru tal-2014. Il-Qorti sabet li Grima renda ruħu riċediv wara li seraq għadd ta’ oġġetti…

Sajd

Il-Partit Laburista permezz tas-Segretarju Parlamentari għall-Biedja u s-Sajd, Clint Camilleri, u l-kandidat għall-elezzjoni tal-Parlament Ewropew, Josef Caruana, qal li bir-rapport tal-2010 tal-Internal Audit and Investigations Department dwar nuqqasijiet fid-Dipartiment tas-Sajd,…

Qorti

Mara li snin ilu tkeċċiet mill-Korp tal-Pulizija weħlet sentenza ta’ ħabs sospiża u multa, wara li nstabet ħatja li għamlet xogħol ta’ investigatur privat mingħajr liċenzja. Grace Gatt ta’ 50…

Aktar