Għawdex
F’jum Santa Marija 22,000 persuna qasmu lejn Għawdex

Ċifri li kiseb TVM juru li nhar Santa Marija, il-kumpanija Gozo Channel operat mad-90 vjaġġ, żieda ta’ 14-il vjaġġ fuq l-istess jum is-sena l-oħra. B’kollox nhar il-Ħamis qasmu lejn Għawdex 21,870 passiġġier u 5,400 vettura.

Fi kliem Joe Muscat, il-Kap Eżekuttiv tal-Assoċjazzjoni Turistika Għawdxija, dan is-sajf qed titqies bħala staġun rekord u min ħalla għall-aħħar biex jibbukkjaw fejn joqgħod seta’ spiċċa diżappuntat.

“Aħna mir-rapporti li għandna jidher li hemm domanda iktar milli għandna stock ta’ sodod fil-gżira Għawdxija. Dan ifisser li se jkun hemm nies u viżitaturi li jridu jiġu Għawdex, kemm Maltin kif ukoll barranin, li se jibqgħu ddiżżappuntati għax ma jkunux sabu akkomodazzjoni.”

F’Jum Santa Marija, tkellimna kemm ma’ turisti, kif ukoll ma’ Maltin, dwar għaliex għażlu lill-Għawdex bħala d-destinazzjoni tagħhom għal btala u ftit jiem ta’ mistrieħ.

Il-Kap Eżekuttiv tal-Assoċjazzjoni Turistika Għawdxija, Joe Muscat qal li Għawdex kien ibati mill-istaġjonalità imma bil-mod din qed tingħeleb. Is-Sur Muscat sostna li Għawdex qed jattira turisti s-sena kollha permezz ta’ diversi attivitajiet li jiġu organizzati matul is-sena.

Joe Muscat qal “Għawdex qed jipproġetta lilu nnifsu permezz ta’ niċċeċ partikolari bħalma huwa d-diving, il-mixjiet fil-kampanja, u oħrajn li qed jiżviluppaw bħal dik tal-avventura, absiling u climbing bil-mod Għawdex joħloq prodotti ġodda li jattira nies fix-xitwa u l-ħarifa”.

Aħbarijiet Oħra
Lokali

Miet jagħmel l-aktar ħaġa għal qalbu . . . jaħdem il-karrijiet tal-Karnival. Jean Paul Bonett, magħruf bħala ċ-Chippy, se jagħlaq sitt xhur mindu ħa xokk f’maħżen tal-Karnival li ħallieh tal-post….

Negozju

It-tarzna ta’ Bormla ser ikollha sidien ġodda hekk kif il-kumpanija Palumbo lesta li tbiegħ nofs l-ishma tagħha lil kumpanija MSC Cruises. Il-proċess għal dan it-trasferiment tal-ishma diġà beda tant li…

Parlament

Id-deputat Nazzjonalista u ex kap tal-Partit Nazzjonalista ppreżenta ittra ta’ riżenja minn deputat tal-Parlament Malti lill-Ispeaker tal-Kamra tad-Deputati Anġlu Farrugia fi tmiem is-seduta tat-Tlieta filgħaxija. Id-deputat Busuttil fl-aħħar diskors tiegħu…

Kurżitajiet

Żewġ persuni li kienu qed jaqsmu l-fliegu bejn Malta u Gġħawdex bil-jetskis tpaxxew mhux biss bil-veduta iżda wkoll b’qatgħa dniefel. Dan il-ħut bħal donnu kien qed itellaq biex jasal qabel…

Aktar