Qorti
F’jum wieħed il-Qorti taqta’ 12-il każ marbut mad-droga

Il-Qorti, ippreseduta mill-Maġistrat Natasha Galea Sciberras, ilbieraħ qatgħet total ta’ 12-il kawża marbuta ma’ pussess u/jew traffikar ta’ droga, bi tliet akkużati li ngħataw sentenza ta’ ħabs.

Uħud mill-każijiet kienu jmorru lura għall-2009 u l-2010, bl-iktar każijiet riċenti seħħew fl-2013. Ħamsa minn dawn il-każijiet kienu dwar pussess ta’ droga fil-Faċilità Korrettiva ta’ Kordin.

Minn ħames persuni akkużati b’pussess ta’ droga fil-ħabs, fosthom żewġt aħwa, kien biss Sandro Mifsud ta’ 46 sena li nstab ħati. Huwa nqabad fil-pussess tal-eroina waqt tiftix fiċ-ċella, u kien ikkundannat sitt xhur ħabs.

Mis-sebgħa l-oħra, tnejn minnhom instabu mhux ħatja, tnejn ingħataw il-libertà kundizzjonata, wieħed kien immultat, filwaqt li tnejn oħra ntbagħtu l-ħabs.

Wieħed minnhom huwa Jotham Saliba ta’ 49 sena, li nstab ħati li kien fil-pussess tal-ecstasy, kokaina, kannabis, u LSD, b’tal-ewwel tinstab f’ċirkostanzi li kienu jindikaw li ma kinitx għall-użu personali. Huwa kien akkużat ukoll li kellu din id-droga qrib post iffrekwentat miż-żgħażagħ, kif ukoll li huwa riċediv. Huwa kien ikkundannat 18-il xahar ħabs u mmultat €2,300.

Sentenza ta’ ħabs ingħatat ukoll lil Brian Barbara ta’ 44 sena, li nstab ħati li ttraffika l-kannabis, wara li fl-2010 twaqqaf mill-pulizija f’Raħal Ġdid, li fil-vettura tiegħu sabu d-droga. Il-Pulizija fittxitlu b’mandat t’arrest, wara li persuna oħra li nqabdet fil-pussess tal-kannabis qalet li kienet xtratha mingħand Barbara. Huwa kien ikkundannat disa’ xhur ħabs u multa ta’ €1,500.

Aħbarijiet Oħra
Relazzjonijiet Industrijali

Il-President tal-Union tal-Infermiera u l-Qwiebel, Paul Pace, qal lil TVM li jista’ jkun hemm żblokk ma’ Steward Healthcare biex l-MUMN tkun tista’ tneħħi d-direttivi ta’ azzjonijiet industrijali lill-carers fl-isptar Karen…

Politika

Il-President George Vella llum iltaqa’ mal-President tal-Awstrija; Alexander Van der Bellen, waqt li qiegħed għal żjara fl-Awstrija. Il-President Awstrijakk tkellem dwar ir-rabtiet b’saħħithom bejn iż-żewġ pajjiżi u kif dawn komplew…

Kultura

Illejla qed jiġi inawgurat il-presepju tradizzjonali Malti fi Vjenna. Dan il-presepju se jkun esibit f’wieħed mill-ikbar swieq tal-Milied fl-Ewropa. Wara li kien għall-wiri fil-Pjazza tal-Vatikan fl-2016, fil-Pjazza tal-Maxtura f’Betlem fl-2017…

Kultura

Tela’ s-siparju fuq id-disa’ edizzjoni tal-Festival Żigużajg, li ser isir fuq medda ta’ għaxart ijiem. Din is-sena mal-130 artist qed jieħdu sehem f’numru ta’ proġetti artistiċi, li fi kliem id-Direttur…

Aktar