Kurżitajiet
Fl-Awstralja: L-irwejjaħ tal-laħam fuq il-BBQ wassluhom il-qorti

Familja Awstraljana spiċċat il-qorti wara li l-ġara tagħhom ma felħitx aktar għall-irwejjaħ tal-BBQs li kienu jagħmlu.

Mara li tgħix f’Girrawheen, f’Perth qalet li ma felħitx aktar għall-irwejjaħ tal-BBQs, sigaretti, l-għajjat tat-tfal u l-inbiegħ tal-klieb tal-ġirien.

Cilla Carden, li hija vegan, qalet li kawża tan-nuqqas ta’ rispett mill-ġirien,  ma setgħetx toħroġ aktar fil-parapett tagħha.

Barra minn hekk, talbet lill-qorti tordna wkoll lill-ġirien biex ibaxxu d-dawl ta’ barra u jbiddlu l-pjanti li kellhom fil-ġnien komuni għaliex kienu qed jiksru l-liġijiet residenzjali.

Il-qorti ma sabitx biżżejjed evidenza u qalet li t-talbiet tal-mara mhumiex raġjonevoli.

Il-ġirien, biex jikkuntentaw lill-mara saħansitra biddlu l-pożizzjoni tal-BBQ, ma ħallewx lit-tfal jilgħabu barra wara nżul ix-xemx u baxxew id-dwal.

Minkejja dan, Cilla Carden qalet li xorta waħda se tkompli tfittex lill-ġirien bil-qrati.

Aħbarijiet Oħra
Safar

Persuni li kienu qed jistennew biex imorru vaganza jista’ jkun li jibqgħu b’xiber imnieħer minħabba attivitajiet jew titjiriet li qed jiġu kkanċellati f’diversi pajjiżi bħala prekawzjoni kontra l-imxija tal-coronavirus. F’dan…

Kurżitajiet

Illejla, ‘X’sar minnhom’, jissokta bi programm ieħor, bil-għan li jqanqal xi ftit tan-nostalġija qalb it-telespettaturi ta’ Television Malta billi jerġa’ ‘jagħti l-ħajja’ lil għadd ta’ persuni lokali magħrufa, u li…

Reliġjon

Karità, talb, u sawm. Wara x-xalar u l-briju tal-Karnival – għal-liema perjodu, għadd ta’ voluntiera ħadmu lejl u nhar bil-għan li ttellgħu erbat ijiem ta’ divertiment b’suċċess – illum, jingħata…

Aktar