Xogħol
Fl-ewwel nofs tas-sena nqabdu mal-2,000 jaħdmu illegalment

Bejn Jannar u Ġunju li għadda, Jobsplus qabdet mal-elfejn ħaddiem jaħdem illegalment b’terz minnhom ikunu Maltin u l-biċċa kbira minn pajjiżi barra l-Unjoni Ewropea. Il-maġġoranza tal-illegalitajiet kienu fil-lukandi, ristoranti u stabbilimenti tad-divertimenti.

Fl-ewwel sitt xhur ta’ din is-sena t-tmien spetturi ta’ Jobsplus wettqu mal-2,433 fil-postijiet tax-xogħol u fost kważi sitt elef ħaddiem li intervistaw, sabu irregolaritajiet f’terz minnhom (2,057).

Il-Kap tat-taqsima tas-servizzi tax-xogħol ta’ Jobsplus, Mario Xuereb qal li aktar minn erbgħin fil-mija tal-ħaddiema (852) li nstab li kienu qed jaħdmu illegalment kienu minn pajjiżi barra l-Unjoni Ewropea, 635 kienu Maltin u 569 oħra mill-pajjiżi l-oħrajn tal-Unjoni Ewropea.

“L-aktar infringement popolari huwa li xi ħadd beda jaħdem mal-employer u l-employer m’għamillux l-engagement form dik li qabel konna ngħidulu l-ktieb tax-xogħol” qal is-Sur Xuereb.

Skont ċifri ta’ Jobsplus bħalissa hawn 43,000 ħaddiem barrani f’Malta, 30,000 minnhom ġejjin minn pajjiżi fl-Unjoni Ewropea u l-kumplament minn pajjiżi oħrajn bħal Filippini u s-Serbja.

Is-Sur Xuereb qal li waqt l-ħaddiema mill-Unjoni Ewropea jistgħu jaħdmu bla xkiel bħal Maltin, il-ħaddiema minn pajjiżi oħrajn jeħtieġu l-permess tax-xogħol u jridu jgħaddu mill-għarbiel tal-Pulizija, Identity Malta u Jobsplus..

“Aħna nagħmlu dak li jgħidulu labour market test u fih naraw l-individwu kemm hu adattat għal dak it-tip ta’ xogħol, naraw l-employer eżempju kellux redundancies fl-aħħar sitt xhur u nagħmlu checks ukoll fuq is-sitwazzjoni tax-xogħol” qal is-Sur Xuereb.

Jiddependi mix-xogħlijiet, il-permessi tax-xogħol jinħarġu għal perjodu ta’ sena u f’ċertu każijiet għal perjodi nqas.

Is-Sur Xuereb qal li kull fejn jinstabu irregolaritajiet, Jobplus tagħti ċans lil min iħaddem biex fi żmien qasir jirregolarizza l-pożizzjoni tiegħu u jekk le tieħu passi fil-Qrati.

Il-maġġoranza tal-irregolaritajiet li nstabu bejn Jannar u Ġunju li għadda kienu fl-industrija tal-ospitalità bħal-lukandi u r-ristoranti, wara fil-qasam tas-servizzi u l-bejgħ waqt li 153 irregolarità kienu fl-industrija tal-kostruzzjoni.

Aħbarijiet Oħra
Kronaka

Raġel ġie arrestat wara li pprova jwettaq hold-up f’Ħaż-Żabbar iżda sab reżistenza. Il-Pulizija qalet li l-każ seħħ għall-ħabta tat-8.10pm fi Triq il-Kbira, meta raġel mgħammad u armat daħal fil-ħanut u…

Lokali

Il-faċilitajiet tal-films fir-Rinella se jingħataw dehra aħjar b’xogħlijiet ta’ manutenzjoni li se jtejjbu l-infrastruttura tal-faċilitajiet. Fl-istess waqt, f’intervista ma’ TVM l-Kummissarju tal-Films, Johann Grech, qal li l-inċentivi fiskali mħabbra fil-budget…

Kronaka

Raġel ta’ 29 sena sofra ġrieħi gravi wara li waqa’ madwar sular u nofs fiż-Żejtun. Il-Pulizija qalet li l-inċident seħħ għall-ħabta tal-4.00 ta’ waranofsinhar fi Triq l-Isqof Antonio Zahra. Ir-raġel,…

Lokali

Il-Kummissjoni Elettorali ser tibda l-provi aħħarin fuq is-sistema elettronika tal-għadd tal-voti li ser tbiddel radikalment il-mod kif kienet tinħoloq l-istennija għar-riżultat tal-elezzjonijiet. Is-sistema elettronika ser tintuża għall-ewwel darba fl-appuntamenti elettorali…

Aktar