Kultura
Fl-Għarb: It-tieni edizzjoni tal-festival tat-tajr

Rappreżentanti minn għoxrin pajjiż ser jipparteċipaw fit-tieni edizzjoni tal-International Kite & Wind Festival li ser isir fl-Għarb fi tmiem il-ġimgħa. Thomas Abdilla li għandu passjoni kbira għat-tajr qal li ser jingħaqad ma’ rappreżentanti minn diversi pajjiżi.

“Ser jieħdu sehem ħafna pajjiżi mill-Ewropa, mill-Malażja, Indoneżja, mill-Ġappun u wkoll mis-South America.

Id-delettanti ser ikollhom tliet tajriet differenti skont il-qawwa tar-riħ. “Inti l-importanti li jkollok tliet tajriet differenti, waħda ta’ ftit riħ li tieħu sa 5 knots, 28 knots u mbagħad ‘il fuq tista’ tieħu anke sa 27 knots, ikun forza 5 jew forza 6”.

Il-qisien tat-tajr li ser jittajru fil-festival ser ivarja minn dawk żgħar ħafna għall-oħrajn li ser ilaħħqu l-100 pied.

“Ikun hemm tajr li jintefaħ u jrid ċertu saħħa jiġifieri li l-ħbula jkunu ta’ 200 kilos allura għandek ċertu saħħa.”

L-International Kite & Wind Festival li qed jittella’ mill-Kunsill tal-Għarb ser joffri l-opportunità lill-pubbliku biex jitgħallem dwar kif jibni t-tajr, x’materjal li għandu jintuża fosthom in-nylon biex it-tajra tkun tiflaħ għar-riħ. Il-festival ser isir fi tmiem il-ġimgħa fl-Għarb f’Għawdex bil-kollaborazzjoni tal-Ministeru għal Għawdex.

Aħbarijiet Oħra
COVID-19

Il-pandemija u r-reħi tar-restrizzjonijiet ġabu magħhom l-użu tal-maskra. Filwaqt li ħafna qed jużawha kif obbligati jagħmlu f’ħafna postijiet pubbliċi, osservajna li bosta qed jilbsu biex taparsi libsuha. Id-Direttur tad-Direttorat tal-Promozzjoni…

Lokali

Il-Ministru għall-familja, id-drittijiet tat-tfal u solidarjetà soċjali Michael Falzon qal li bħalissa hemm 278 tifel u tifla li huma taħt ordni ta’ ħarsien mill-Aġenzija Appoġġ. Fi tweġiba parlamentari lid-deputat nazzjonalista…

Lokali

Il-Ministru għall-familja, id-drittijiet tat-tfal u solidarjetà soċjali Michael Falzon qal li s-sena li għaddiet kien hemm disa’ każi ġodda ta’ traffikar uman. Fi tweġiba parlamentari għall-mistoqsija tad-deputat nazzjonalista Claudette Buttigieg, il-Ministru Falzon…

Aktar