Barranin
Fl-Indja: Mar jidfen lil bintu u sab tarbija midfuna ħajja

Raġel fit-Tramuntana tal-Indja spiċċa bla kliem meta mar jidfen lil bintu u sab tarbija midfuna ħajja.

Ir-raġel kien qed iħaffer il-qabar ta’ bintu li twieldet mejta meta sema’ għajta ta’ tarbija.

F’intervista li ta lil midja tal-lokal, ir-raġel qal li għal mument ħaseb li bintu reġgħet bdiet tieħu n-nifs iżda ntebaħ li l-biki kien ġej minn ġo ġarra tal-fuħħar li kixef huwa u jħaffer.

Meta fetaħ il-ġarra, ir-raġel sab tarbija tat-twelid u minnufih ċempel lill-awtoritajiet għall-għajnuna.

It-tarbija, tifla ta’ ftit jiem, qed tissielet għal ħajjitha l-għaliex il-kundizzjoni tagħha hija gravi.

Dan mhux każ iżolat għall-Indja l-għaliex ta’ spiss jinstabu mormija trabi bniet l-għaliex huma meqjusa bħala piż żejjed fuq il-familja. F’ċertu bliet u rħulha fl-Indja għadha teżisti l-kultura li t-trabi subien biss jitqiesu bħala grazzja l-għaliex ifissru prosperità għall-familji.

Skont it-tobba li qed iżommu għajnejhom fuqha, it-tarbija twieldet qabel il-waqt u kienet ilha midfuna mat-3 ijiem. Huma jemmnu li baqgħet ħajja bis-saħħa ta’ ftit arja li nqabdet fil-ġarra u x-xaħam li kien għadu mwaħħal mal-ġilda tagħha.

It-tifla ssemmiet Sita u l-Politikant tar-Reġjun fejn instabet, Rajesh Kumar Mishra, ħalef li se jadottaha la darba tikseb lura saħħitha.

Il-Politikant Rajesh Kumar Mishra jżur lit-tarbija li ma kellhiex bidu ta’ ħajja feliċi

Fl-Indja jsir abort ta’ miljuni ta’ trabi bniet.

Aħbarijiet Oħra
Barranin

Il-Costa Rica saret l-ewwel pajjiż fl-Amerka Ċentrali li fih huwa permess żwieġ bejn persuni tal-istess sess. L-ewwel żwieġ ta’ din ix-xorta xxandar fuq l-istazzjon nazzjonali, ftit minuti biss wara li…

Barranin

L-FBI se tinvestiga l-qtil ta’ raġel iswed fl-istat Amerikan ta’ Minnesota wara li ħareġ filmat juri pulizija għarkubtejh fuq għonq ir-raġel. Fil-filmat ta’ 10 minuti, ir-raġel li x’aktarx għandu fuq…

Ambjent

Filmat miġbud minn għaqda ambjentali fi Franza juri qiegħ il-baħar mimli maskri u ngwanti tal-plastik. Dan it-tagħmir protettiv marbut mal-Covid-19 kien fost għadd sostanzjali ta’ plastik u skart ieħor li…

Barranin

Fuq l-għatba tal-istaġun tas-sajf, diversi pajjiżi taż-żona Schengen qed jikkunsidraw bis-serjetà li jiftħu mill-ġdid il-fruntieri għat-turisti. Spanja ħabbret li mill-1 ta’ Lulju se tneħħi l-kwarantina ta’ ġimagħtejn għall-persuni li jżuru…

Aktar