Sport
Fl-Università: il-grawnd tal-futbol jinbidel temporanjament f’parkeġġ

Soluzzjoni temporanja għall-problema tal-parkeġġ fl-Università qajmet bosta lmenti minħabba li parti mill-faċilitajiet sportivi tal-Università spiċċaw f’parkeġġ. Id-deċiżjoni ttieħdet mit-tmexxija tal-Università bi qbil mal-Kunsill tal-Istudenti Universitarji wara li parti kbira tal-parkeġġ ewlieni tal-Università ma jistax jintuża għax beda xogħol biex tinbena binja għal diversi fakultajiet tal-Univeristà.

Diżappunt qawwi minn bosta sportivi u persuni li kienu jagħmlu l-eżerċizzju fiżiku fil-ground tal-football tal-Università wara li fl-aħħar jiem dan spiċċa nbidel f’parkeġġ tal-vetturi. It-Tabib tal-Medicina Sportiva, Kirill Micallef Stafrace li jgħallem ukoll fl-Università wera ruħu frustrat bid-deċiżjoni.

”Dejjem inħambqu li rridu nżidu l-eżerċizzju fiżiku mbagħad fis-sit ta’ fejn hawn l-għerf suppost nagħmlu ċuċata bħal din.”

Il-komunità sportiva hija urtata anke għaliex kompla naqas l-ispazju fejn isir l-eżerċizzju fiżiku bil-karozzi deħlin u ħerġin minn fuq il-korsa tal-atletika li tintuża minn bosta biex jagħmlu jogging jew jimxu.

L-istudenti li qed jipparkjaw fil-ground sostnew li din il-miżura temporanja kienet meħtieġa, anke jekk ma solvietx il-problema tal-parkeġġ fl-università.

Il-Pro Rettur tal-Università Carmen Sammut u l-President tal-Kunsill Studenti Universitarji Carla Galea, iddefendew id-deċiżjoni u qalu li l-ground jista’ jintuża mill-isportivi wara s-sitta ta’ filgħaxija. Żiedu li qed ifittxu soluzzjonijiet oħra wkoll.

Il-Pro Rettur tal-Università, Carmen Sammut qal ”diġà bdew diskussjonijiet ma’ Transport Malta biex barra park and ride li jeżisti f’Pembroke jinfetħu faċilitajiet ta’ park and ride oħra għall-istudenti u l-impjegati tal-università.”

Il-President tal-KSU, Carla Galea qalet ”flimkien mal-Università ħa nkunu qed noħorġu bi pjan aktar ħolistiku fejn din il-problema qed tiġi aktar rikonoxxuta.”

Sadanittant il-Perit tal-Università Christopher Spiteri qal li l-Università ser tinvesti f’kumpless sportiv ta’ 25 miljun ewro li xogħol fuqu se jibda fil-ħarifa li ġejja b’diversi faċilitajiet inkluż parkeġġ taħt l-art għal 900 vettura.

Il-Perit Christopher Spiteri qal “football pitch ikun full size artificial turf. Ikun hemm ukoll 8 lane synthetic athletics track. Ħa jkun hemm bini ġdid għall-institute for physical education in sport, faċilitajiet għal school of performing arts. Ħa jkun hemm indoor athetics track li janalizza moviment tal-istudenti waqt li qed jiġru u faċilitajiet għal sport medicine.”

Il-Perit Sptieri qal li dan il-proġett mistenni jitlesta fi żmien sentejn.

 

Aħbarijiet Oħra
Air Malta

Il-Ministru għat-Turiżmu, Konrad Mizzi qal li fil-jiem li ġejjin se jitħabbru riżultati finanzjarji pożittivi għal-linja nazzjonali tal-ajru. Fil-ftuħ tal-fiera annwali tal-ivjaġġar, l-AMITEX, il-Ministru qal li l-viżjoni tal-Gvern hi li l-Air…

Politika

Fi Brussell, kien hemm ukoll il-Kap tal-Partit Nazzjonalista, Adrian Delia, li attenda għal-laqgħa tal-kapijiet tal-partiti membri tal-Partit Popolari Ewropew. Stqarrija tal-Partit Nazzjonalista kkowtat lil Dr Delia jgħid li jeħtieġ li…

Politika

Il-Prim Ministru Joseph Muscat qal li r-realtà fid-drama dwar Brexit hi li jiġri x’jiġri, l-UE se tkun qed ittawwal il-ħruġ tar-Renju Unit mill-UE b’ġimgħa biss, għax jekk il-ġimgħa d-dieħla il-Parlament…

Sport

Sens kbir ta’ sodisfazzjon u arja ta’ festa fost il-kontinġent Malti li kkompeta fil-logħob dinji tal-Ispecial Olympics. It-28 atleta b’diżabbiltà intellettwali ġejjin lura Malta b’erbgħin midalja, 12 minnhom tad-deheb. L-atleti…

Aktar