Lokali
F’Malta oġġetti sagri minn knejjes kattoliċi fl-Iraq li tkissru mill-ISIS

Il-Fondazzjoni internazzjonali Aid to the Church in Need ġabet f’Malta oġġetti sagri minn knejjes kattoliċi fl-Iraq li ġew imkissra minn terroristi tal-ISIS li ppersegwitaw eluf ta’ Nsara. Il-fondazzjoni qalet li dawn l-oġġetti ser jiġu esebiti f’wirja bil-għan li tqanqal kuxjenza dwar l-insara f’diversi partijiet tad-dinja li qed iħabbtu wiċċhom ma’ persekuzzjoni minħabba l-fidi tagħhom.

Kurċifissi mkissrin u kalċijiet mgħaffgin huma wħud mill-oġġetti sagri li juru l-kruha tal-persekuzzjoni tal-Insara li f’pajjiżi bħal l-Iraq u s-Sirja raw il-knejjes tagħhom jisfaw fil-mira tal-estremisti tal-Isis.

L-isqof ta’ Mosul fl-Iraq qal li l-knejjes tiegħu spiċċaw vvandalizzati mill-ISIS u hu ta permess biex l-oġġetti sagri li sfaw imkissra jiġu Malta biex titqanqal kuxjenza ta’ dak li għaddew minnu l-Insara ta’ Mosul.

Stephen Axisa li jirrapreżenta l-fondazzjoni internazzjonali Aid to the Church in Need f’Malta, qal li eluf kbar ta’ Nsara spiċċaw jgħixu f’terrur u anki faqar estrem minħabba t-terroristi. Huwa qal li l-fondazzjoni li hija bbażata fil-Vatikan, bl-għajnuna ta’ insara oħra qed tgħin lill-insara persegwitati.

Stephen Axisa qal li “ġewwa l-Iraq u s-Sirja minn tal-ewwel biex jistkennu n-nies, skejjel u nfornuhom bl-ikel ta’ kuljum, ġol-ikel nagħmlu elf food basket kuljum.”

Il-wirja tal-oġġetti sagra vandalizzati qed issir fil-knisja ta’ Bon Pastur f’Ħal Balzan. Il-Fondazzjoni Aid to the Church in Need taħdem f’mija u erbgħin pajjiż madwar id-dinja biex tgħin l-insara ppersegwitati, f’pajjiżi Musulmani u fiċ-Ċina u fil-Korea ta’ fuq.

Aħbarijiet Oħra
Lokali

Il-Kamra tad-Deputati approvat it-tielet qari tal-abbozz ta’ liġi dwar il-protezzjoni tal-embrijuni b’34 vot u 27  voti kontra. Il-vot intlaqa’ b’ċapċip mill-membri tal-Gvern. Qabel ittiehed il-vot il-Whip tal-Gvern Byron Camilleri qal…

Lokali

Wieħed mill-istilisti magħrufa tal-kantanta internazzjonali Lady Gaga, l-istilist mill-Kroazja, Matija Cop li nġieb Malta f’attività edukattiva għall-istudenti tal-MCAST mill-Fondazzjoni, Malta Chamber of Fashion. F’Malta wieħed mill-istilisti li taħdem miegħu l-kantanta…

Lokali

Mara ta’ 58 sena qaltilna li ilha priġuniera ġo darha għal dawn l-aħħar 9 snin għax minħabba mard ma tiflaħx tinżel żewġ sulari taraġ. Il-mara, Rita Gatt hija armla b’erbat’…

Lokali

F’konferenza tal-aħbarijiet, siegħa qabel ttieħed il-vot fit-tielet qari biex tidħol il-liġi ġdida tal-IVF, id-Deputat Prim Ministru u Ministru tas-Saħħa Chris Fearne sostna li wasal il-waqt li l-politiċi ma jibqgħux jaħsbu…

Aktar