Blockchain
F’Malta se jitwaqqaf l-ewwel bank fid-dinja mmexxi mill-kommunità tal-blockchain

Mistenni jitwaqqaf fix-xhur li ġejjin l-hekk imsejjaħ Founders Bank.  Dan il-bank, meta jingħata l-liċenzja se jkun l-ewwel fid-dinja li se jkun deċentralizzat u mmexxi mill-komunità tal-blockchain.

Dan tħabbar fi stqarrija maħruġa mis-Segretarjat Parlamentari għas-Servizzi Finanzjarji, Ekonomija Diġitali u Innovazzjoni li fiha jingħad li dan il-bank se jara li jservi lin-negozji fl-oqsma tal-crypto u tat-teknoloġija filwaqt li jagħti soluzzjonijiet bankarji tal-ogħla livell. Min jużah se jkollu aċċess għall-kont kemm fuq mobile phones kif ukoll permezz ta’ applikazzjoni u jkunu jistgħu jużaw il-credit cards li jkunu maħruġa minn Founders Bank stess.

Il-kumpanija bħalissa qed tistenna li tingħata l-liċenzja bankarja f’Malta li hi stmata li tkun maħruġa fl-ewwel nofs tal-2019 u tkun tista’ tospita l-EquitToken Offering permezz tal-pjattaforma Neufund aktar tard din is-sena. L-għan hu li jservi ta’ pont bejn id-dinja finanzjarja tradizzjonali u l-kumpaniji innovattivi fil-qasam tal-crypto.

Is-Segretarju Parlamentari Silvio Schembri qal fl-istqarrija li qed jilqa’ l-ħidma ta’ Binance biex jitwaqqaf Founders Banks.

Qal li huwa ta’ unur li Malta ntgħażlet bħala l-post għall-ewwel komunità globali li se jkollha bank fl-istess waqt li jimxi bi trasparenza u r-regolamenti.

Founders Bank se joħroġ offerta permezz ta’ pjattaforma ta’ Neufund u f’ambjent legali joħroġ equity tokens b’Binance – li hi l-ikbar kumpanija ta’ skambji fid-dinja – tkun l-ewwel u l-akbar investitur fi ħdan il-kumpanija.

Malli jingħata l-liċenzja Founders Bank se jibgħat sinjal ta’ kif jista’ jidher il-futur għall-industrija bankarja.

Il-Fundatur u l-Kap Eżekuttiv ta’ Binance Changpeng Zhao qal li l-kumpanija qed tħares ’l quddiem li tesplora servizzi bankarji varji.

Aħbarijiet Oħra
Cryptocurrency

Malta għandha tliet liġijiet li jirregolaw l-industrija l-ġdida relatata mal-block chain u l-muniti diġitali. Esperti f’dal-qasam jemmnu li s-setturi se jkunu l-mod kif isir in-negozju fil-futur. Mark Bugeja hu espert…

Temp

Tliet snin oħra jaħbat għeluq il-mitt sena mill-ftuħ tal-ewwel uffiċċju għat-tbassir tat-temp f’Malta. Fil-jum dinji tal-metereoloġija, iċċelebrat bħal-lum, it-23 ta’ Marzu, jitfakkar it-twaqqif tal-organizzazzjoni dinjija tal-meteoroloġija fi ħdan in-Nazzjonijiet Magħquda…

Sport

Illejla fl-Istadium Nazzjonali f’Ta’ Qali, f’logħba li ntemmet għall-ħabta tat-8.00pm, Malta rebħet lill-Gżejjer Faroe 2-1. Goals skurjati minn Kyrian Nwoko u penalty ta’ Steve Borg – wieħed f’kull taqsima. Il-Gżejjer…

Kultura

Il-Proġett “Żunżana” jikkonsisti f’sensiela ta’ ħames kunċerti li se jittellgħu b’kollaborazzjoni bejn Aġenzija Żgħażagħ u l-Għaqda Każini tal-Banda minn grupp ta’ bandisti żgħażagħ li bdew idoqqu fl-aħħar ħames snin. Il-baned…

Aktar