Barranin
Footballer Brażiljan ittorturat u maqtul wara li xerred dan ir-ritratt

Daniel Freitas, footballer professjonali tat-tim Brażiljan Sao Bento spiċċa ttorturat u maqtul wara li spiċċa f’nofs skandlu sesswali.

Freitas tilef ħajtu fis-27 ta’ Ottubru fl-età ta’ 24 sena wara li bagħat ritratt tiegħu flimkien ma’ mara ta’ 35-il sena f’sodda.

Jidher li Freitas kien mistieden għal party estravaganti ta’ Allana Brittes, tfajla ta’ 18-il sena, li ġejja minn familja ta’ negozjanti kbar u wara lejl ta’ divertiment u xorb, spiċċa fis-sodda m’ommha.

Daniel fettillu jieħu stessu mal-mara rieqda fis-sodda u bagħtu lil sħabu, mid-dehra b’xi forma ta’ użanza/ċajta bejniethom meta jirnexxielhom ikollhom x’jaqsmu ma’ xi ħadd. Sagħtejn wara li ttieħed ir-ritratt, il-midfielder instab bla ħajja f’bosk ftit ‘il bogħod mir-residenza.

Freitas ġie ttorturat qabel ma nqatel u kien biss wieħed minn sħabu li seta’ jgħaraf lil Daniel li spiċċa sfigurat bil-ġrieħi li kellu. Daniel instab b’għonqu mħanxar u bil-ġenitali maqtugħin barra.

Dwar il-każ infetħet investigazzjoni li sabet lill-familja Brittes ħatja bil-qtil ta’ Freitas. Il-missier, Edison Brittes, ammetta li ħebb għal Freitas u qatlu wara li fetaħ il-bieb tal-kamra tas-sodda u qabdu qed jipprova jistupra lil martu f’daru. L-omm u t-tifla wkoll instabu ħatja bil-qtil u ħabi tal-provi.

Iżda l-Pulizija għadhom qed jistabilixxu jekk Freitas kellux x’jaqsam jew le mal-mara.

Il-klabb li fih kien jilgħab Freitas sellem il-memorja tal-plejer bi tweet fejn esprimew id-diqa tagħhom bl-aħbar filwaqt li wrew solidarjetà mal-ħbieb u l-qraba tiegħu.

 

Aħbarijiet Oħra
Barranin

Il-Prim Minsitru tar-Renju Unit, Theresa May, tinsab Brussell biex tiltaqa’ ma’ uffiċjali tal-Unjoni Ewropea, fosthom il-President tal-Kummissjoni Ewropea, Jean Claude Juncker. Hija qed tipprova tilħaq ftehim fuq ir-relazzjoni futura bejn…

Kurżitajiet

Bit-temp qed jiksaħ, bdew l-ewwel sintomi ta’ riħ fost bosta minna. Anke jekk l-influwenza mistennija tolqotna minn hawn u ftit tal-ġimgħat oħra, l-irjiħat, l-uġiegħ fil-griżmejn u l-viruses diġà bdew jaffettwaw…

Barranin

Tfajla Taljana ta’ 23 sena nsterqet ilbieraħ filgħaxija waqt li kienet fil-Kenja tagħmel esperjenza ta’ volontarjat ma’ tfal f’orfanatrofju. Mill-ewwel informazzjoni jidher li Silvia Romano ttieħdet minn grupp armat li…

Temp

Maltemp qawwi fin-Nofsinhar tal-Italja ħalla ħerba sħiħa fl-inħawi milquta.  Żewġ trombi tal-arja fiż-żona ta’ Salento kkawżaw danni fl-istrutturi u d-djar, filwaqt li ġie rrappurtat li ndarab raġel. Tromba tal-arja oħra…

Aktar