Barranin
F’Pariġi: 5 nisa jeħlu l-ħabs wara involviment f’attentat attakk b’bomba f’karozza

5 nisa Franċiżi weħlu bejn 5 snin u 30 sena ħabs wara li nstabu ħatja li ppruvaw iqabbdu ”bomba” f’karozza ħdejn il-Katedral ta’ Notre Dame, f’Pariġi.

Il-każ imur lura għall-2016 meta Inès Madani, Ornella Gilligmann, Sarah Hervouët, Amel Sakaou u Samia Chalel li llum għandhom bejn it-22 u t-42 sena, kienu involuti f’attakk f’isem l-Iżlam.

Il-pjan tan-nisa sfaxxa fix-xejn wara li ma rnexxielhomx iqabbdu u jisplodu l-karozza b’6 bombli tal-gass, 3 laned diesel u sigarett imqabbad.

Madani, li xogħolha kien li tħajjar nisa jingħaqdu mal-grupp li jsejjaħ lilu nnifsu l-Istat Iżlamiku, ġiet ikkundannata 30 sena ħabs mentri Gilligmann, mara miżżewġa u omm ta’ 3, ingħatat 25 sena ħabs.

Hervouët u Sakaou ġew mogħtija 20 sena ħabs kull wieħed mentri Chalel weħlet 5 snin ħabs talli għenet lil Madani tistaħba wara li fallielha l-pjan.

Madani, Hervouët u Amel Sakaou darbu l-uffiċjali bis-skieken meta daħlu jarrestawhom f’appartament.

Aħbarijiet Oħra
Barranin

Fir-Renju Unit tibqa’ tbaqbaq il-kontroversja dwar konsulent ewlieni tal-Prim Ministru Boris Johnson, Dominic Cummings minħabba li dan injora l-pariri tal-Awtoritajiet u xorta vvjaġġa waqt il-lockdown meta l-mara tiegħu kienet marida…

Barranin

Mill-ewwel ta’ Lulju, kull min jidħol fi Spanja mhux se jitqiegħed taħt kwarantina obbligatorja ta’ ġimagħtejn. Dan tħabbar mill-Ministeru għas-Saħħa Spanjol hekk kif qal li minn Lulju se titneħħa l-miżura…

Barranin

Il-Prim Ministru Ingliż Boris Johnson ddefenda wieħed mill-konsulenti tiegħu Dominic Cummings li waqt li l-pajjiż kien qiegħed f’lockdown, dan ivvjaġġa minn Londra lejn Country Durham minkejja li kellu s-sintomi tal-Coronavirus….

Barranin

Fir-Renju Unit, tissokta il-kontroversja dwar l-id il-leminija tal-Prim Ministru Boris Johnson, Dominic Cummings. Il-Prim Ministru Boris Johnson appoġġja lill-konsulent ewlieni tiegħu u qal li Cummings ma kellu ebda alternattiva oħra…

Aktar