Sport
Francesco Totti jaqta’ xewqtu: joħroġ jippassiġġa Ruma trankwill, ħadd ma jagħrfu

Il-personalitajiet, l-atleti u għadd ta’ persuni magħrufa oħra ma hemmx dubju li ekonomikament jgħixu fil-lussu. Madanakollu, kollox fih tiegħu. Aktarx li l-akbar uġigħ ta’ ras għalihom hija li dak li jkun hekk kif jirfes l-għatba tal-bieb ta’ barra l-kelma tiġri f’radda ta’ salib u f’kemm ili ngħidlek jibdew jinġemgħu n-nies. Kulħadd, jittanta xortih u javviċina lil dak li jkun bit-tama li jislet ritratt jew jiddobba xi firma.

F’dan l-isfond, l-eks captain u bandiera ta’ A.S. Roma, Francesco Totti, qatt ma rnexxielu joħroġ jippassiġġa Ruma bil-kwiet. Dan l-aħħar iżda, qata’ xewqtu.

F’dawn il-jiem, ġaladarba l-Italja bdiet tillaxka aktar miżuri b’rabta mal-pandemija, Totti sab ix-xoqqa f’moxtha biex flimkien ma’ martu, il-preżentatriċi Ilary Blasi permezz ta’ maskra mdaqqsa u liebes beritta joħroġ jagħmel passejn fit-toroq ewlenin ta’ Ruma bil-kwiet, mingħajr ħadd ma jagħrfu.

Fost l-oħrajn, Totti rnexxielu jieħu ritratt bla xkiel quddiem il-Fontana di Trevi, wieħed mill-aktar postijiet imfittxija mit-turisti fil-qalba tal-kapitali Taljana.

View this post on Instagram

Detto….fatto!!!

A post shared by Francesco Totti (@francescototti) on

Aħbarijiet Oħra
COVID-19

Is-Suoretendent għas-Saħħa Pubblika, il-Professur Charmaine Gauci mistennija tagħti l-aħħar aġġornamenti tas-sitwazzjoni attwali tal-Covid-19 f’pajjiżna. Il-konferenza stampa se tixxandar dirett fuq TVM, tvm.com.mt, Radju Malta u l-paġna Facebook ta’ TVM.

Artiġjanat

Xtut l-arċipelagu Malti mdawra bi ġmiel ta’ baħar. Baħar, li anki jekk tħares lejh jew kemm kemm tinżel tixxarrab, jiffriskak u jagħtik is-saħħa. Lil xi wħud, iżda, il-baħar tahom u…

COVID-19

It-tmien vittma tal-Coronavirus f’Malta huwa raġel ta’ 56 sena li kellu diversi kundizzjonijiet kroniċi. Fi stqarrija mill-Ministeru għas-Saħħa, intqal li l-vittma kien qiegħed jingħata kura fl-Isptar Mater Dei, irriżulta pożittiv…

COVID-19

Il-Bank of Valletta qed javża li għada s-Sibt 30 ta’ Mejju, ħames Fergħat f’Malta u Aġenzija f’Għawdex se jkunu miftuħa bejn id-9.00am u 12.30pm. Il-lokalitajiet minn fejn tista’ tinqeda għada…

Aktar