Lokali
Ftehim bejn Identity Malta u l-Arkivji Nazzjonali jwassal għar-restawr ta’ reġistri antiki

Reġistri fost l-aktar antiki li għandha Identity Malta li fihom hemm insinwati kuntratti pubbliċi li jmorru lura kważi mitejn sena, qed jiġu rrestawrati bis-saħħa ta’ ftehim li sar mal-Arkivji Nazzjonali. Referenza għal dawn id-dokumenti mill-impjegati tat-Taqsima tar-Riċerki għadha ssir sal-lum.

Dawn huma r-reġistri tat-Taqsima tar-Riċerki fi ħdan ir-Reġistru Pubbliku. L-eqdem imorru lura sal-1859. Fihom jiġu insinwati kull tip ta’ kuntratti ta’ bejgħ ta’ propjetà, ipoteki, testmenti, mandati u subbasti bil-għan li tinżamm traċċa tar-relazzjoni tas-sidien tal-propjetà.

Ir-reġistri huma magħmulin minn faxxikli b’karta li għandha aktar minn mitt sena u meqjusa fraġli ħafna. Terġa’ u tgħid l-interventi ta’ restawr li saru fil-passat kienu jinvolvu tiswija bit-tape u b’kolla li biż-żmien aktar tagħmel ħsara. L-użu kontinwu tagħhom kompla ħaffef il-proċess ta’ deterjorazzjoni.

Grazzi għal ftehim li sar bejn Identity Malta u l-Arkivji Nazzjonali, ir-reġistri l-aktar antiki qed jiġu restawrati b’mod metikoluż, xogħol li jirrikjedi ħafna paċenzja u dedikazzjoni kif jispjega r-restawratur Simon Dimech.

”Nieħdu ħsieb li ssir id-dokumentazzjoni tax-xogħol qabel u waqt u anki wara l-proċess ta’ konservazzjoni. U jinvolvi xogħol ta’ tindif, enumerazzjoni, inneħħu repairs antiki li kellna, u nsaħħu d-dokument b’karti apposta biex meta jiġi handled fil-futur jiġi ppreservat aħjar. Qed isir xogħol ukoll fuq il-legatura. Biex nippreservaw il-ktieb fl-aħjar mod possibbli” qal Simon Dimech.

Dawn ir-reġistri qed jiġu diġitalizzati wkoll, madanakollu Michael Mifsud minn Identity Malta jgħid li t-teknoloġija mhux neċessarjament telimina għal kollox il-ħtieġa li dawn jibqgħu jiġu kkonsultati fiżikament.

Is-Senior Manager Michael Mifsud qal ”meta int għandek sistema kompjuterizzata miktubin hand-written. Ma kellhomx computers jew typewriter, biex naraw ċertu ktiba bilfors irridu mmorru għad-dokument oriġinali.”

Ir-reġistri tal-insinwa jgħoddu bl-għexieren ta’ eluf. Kull reġistru jieħu madwar ġimgħa biex jiġi rrestawrat.

Aħbarijiet Oħra
Lokali

Il-Moviment Patrijotti Maltin organizza mixja mill-Ħamrun sal-Marsa b’solidarjetà mar-residenti. Henry Battistino f’isem il-Moviment qal li b’din il-mixja jridu juru s-solidarjetà tagħhom għaliex qal li dawn ir-residenti qed isofru konsegwenzi minħabba…

Lokali

Il-Professur Alan Deidun qal li fl-ibħra Maltin feġġet ħuta invażiva magħrufa bħala Siganus Luridus jew Qawsalla. Fuq Facebook, Prof Deidun spjega li l-ħuta oriġinat fil-Baħar l-Aħmar u l-Oċean Indjan. Hija ġiet…

Aktar