Kunsilli Lokali
Ftehim biex il-Kunsilli Lokali jkunu responsabbli tal-manutenzjoni tal-bereġ tas-saħħa

L-Assoċjazzjoni tal-Kunsilli Lokali u d-Dipartiment tas-Saħħa Primarja daħlu fi ftehim dwar il-bereġ tas-saħħa. Il-ftehim jipprovdi għal arranġamenti biex b’mod volontarju, il-Kunsilli Lokali jkunu responsabbli tal-manutenzjoni tal-berġa filwaqt lid-Dipartiment tas-Saħħa Primarja ser jipprovdi s-servizzi mediċi flimkien mal-ispiża inizjali tar-rinovar tal-post.

Ftehim iffirmat bejn l-Assoċjazzjoni tal-Kunsilli Lokali u d-Dipartiment tal-Kura Primarja jipprovdi għal qafas dwar iż-żamma fi stat tajjeb tal-bereġ tas-saħħa fil-lokalitajiet.

Mario Fava, il-President tal-Assoċjazzjoni tal-Kunsilli Lokali qal “il-Kunsilli Lokali ser ikunu qed jintbagħtu permezz ta’ dan l-MOU li mhux obbligatorju u ser ikun qafas regolatorju li l-maintenance fil-berġa li diġà tkun devoluta lill-Kunsilli Lokali jara li tinżamm bl-aħjar mod possibbli ħalli jingħata l-aħjar servizz possibbli”.

Il-Kap Eżekuttiv tad-Dipartiment tal-Kura Primarja Roseanne Camilleri qalet li diġà qed isir xogħol fil-bereġ mal-Kunsilli tal-Kalkara, Marsaxlokk, tal-Pietà u Birżebbuga.

Roseanne Camilleri qalet “il-Kunsill Lokali ser ikollu l-parti tal-primary health, il-pazjent ser ikun qed jinqeda aħjar mill-komunità għax meta jsir ċertu livell ta’ refurbishment inżidu anke s-servizzi li hemm bħalissa”.

Id-Deputat Prim Ministru u Ministru tas-Saħħa Chris Fearne qal li l-proġett biex jogħla l-livell tal-bereġ l-aħjar li jsir id f’id mal-kunsilli.

Dr Fearne qal “irridu nagħmlu refurbishment qawwi f’dawn il-bereġ kemm mill-ammont ta’ apparat ġdid u l-binjiet infushom imma anke fis-servizzi li nagħtu. Dan jidhrilna li l-aħjar nagħmluh flimkien mal-Kunsilli Lokali”.

Il-Ministru Fearne fil-preżenza tas-Segretarju Parlametari Silvio Parnis qal li l-finanzjament għas-servizzi mediċi u anke għar-rinovar u l-manutenzjoni tal-bereġ ser jinħareġ mid-Dipartiment tas-Saħħa.

Aħbarijiet Oħra
Turiżmu

Il-Maltin jivjaġġaw l-iżjed bl-ajru, u skont statistika tal-Eurostat, 63 fil-mija tal-vjaġġi tal-Maltin fl-2017 saru bl-ajru. Dan ipoġġi lil Malta fl-ewwel post, anke meta mqabbel ma’ gżejjer oħra. Fil-fatt, filwaqt li…

Qorti

Fil-Qorti llum ngħalqu l-provi kontra Liam Debono, li qed ikun akkużat bl-attentat ta’ qtil tas-Surġent Simon Schembri fil-15 ta’ Mejju 2018. Il-proċeduri issa mistennija jkomplu billi jinħareġ l-Att ta’ Akkuża…

Politika

L-Assemblea Parlamentari tal-Kunsill tal-Ewropa li tirrappreżenta 47 pajjiż, approvat rapport kritiku dwar is-saltna tad-dritt f’Malta li tħejja mill-Parlamentari Olandiż Pieter Ormtzigt. Ir-rapport ġie approvat bit-72 vot favur, 18-il vot kontra…

Propjetà

Il-membru tal-Bord tal-Ippjanar tal-Awtorità tal-Ippjanar, Matthew Pace, mhuwiex preżenti għal-laqgħa tal-lum li fiha qed tkun diskussa l-applikazzjoni għall-proġett Townsquare t’Tas-Sliema. Il-ġimgħa li għaddiet il-Qorti tal-Appell sabet li s-Sur Pace kellu…

Aktar