Teknoloġija
Ftehim għandu jwassal f’titjib tal-apparat teknoloġiku għal persuni b’diżabilita’.

Ftehim bejn il-fondazzjoni FITA u l-Università ta’ Malta mistenni jwassal għal titjib fis-software biex firxa akbar ta’ persuni b’diżabilità jkunu jistgħu jużaw b’mod iktar faċli apparat teknoloġiku li jtejbilhom ħajjithom.

Ir-rettur tal-Università, il-Professur Alfred Vella, qal li f’dan il-proġett se jieħdu sehem studenti mill-fakultà tat-teknoloġija tal-informazzjoni u l-kommunikazzjoni.

Il-Professur Alfred Vella qal li l-Università qed tidħol għal dan il-progett b’entużjażmu għaliex il-fakultà tal-ICT se tkompli ssaħħaħ ir-riċerka filwaqt li tkun ta’ servizz ghal persuni b’diżabilità biex jgħixu ħajja aħjar u iktar aċċessibbli.

Dr Claire Borg mill-Fakultà tal-ICT qalet li l-fakultà se taħdem fuq is-sistema tal-ispeech processing li tintuża f’mobiles u kompjuters. “Dan il-proġett partikolari huwa dwar Malti miktub u nipproduċu vuċi bil-Malti, din tintuża ħafna, bħal mobile, ikellmek lura, u din it-tip ta’ teknoloġija mportanti għall-ispeech processing bil-Malti.”

Il-Kap eżekuttiv tal-FITA, Stanley Debono, qal li l-ispeech engine żviluppata mill-fondazzjoni saret snin ilu u issa hemm bżonn li tigi aġġornata. “Peress li ħarġet f’ċertu żmien, anki l-ammont ta’ riċerka li saret huwa datat, u peress li software taħdem fuq windows, ma nistgħux nibqgħu immantnuwa bħala Fita b’mod indefinit.”

Is-sur Debono qal lil TVM li l-ftehim se jgħin biex is-sistema żviluppata tibqa’ sservi għal numru ieħor ta’ snin, u tkun tista’ tintuza minn firxa akbar ta’ persuni b’diżabbilitajiet, fosthom id-dyslexia.

Aħbarijiet Oħra
Pulizija

Il-Korp tal-Pulizija qal li mindu bdiet l-investigazzjoni fis-Sezzjoni tat-Traffiku, 34 uffiċjali jinsabu fuq police bail. Minn dawn, 28 huma sospiżi u qegħdin fuq police bail, 6 rtiraw bil-pensjoni u qegħdin…

Lokali

Il-koppja Marvic u Donovan Scerri qed jippjanaw li jmorru Spanja biex jagħmlu l-proċedura tal-IVF f’dan il-pajjiż li jippermetti li jsir test ġenetiku tal-embrijun qabel ikun impjantat fil-ġuf tal-omm biex ikun…

Lokali

Il-Federazzjoni tal-Produtturi tal-Akwakultura qed tipproponi 20 miżura biex jissaħħaħ il-monitoraġġ u l-kontrolli fl-industrija tat-tonn kemm fuq il-baħar kif ukoll fuq l-art. Il-Federazzjoni tal-Produtturi tal-Akwakultura qed issejjaħ għal miżuri ta’ kontroll…

Saħħa

L-għaqda Dinija tas-saħħa wissiet li l-virus jista’ jasal fil-pajjiżi kollha tad-dinja. Is-Supretendent tas-saħħa Pubblika Charmaine Gauci qalet li waqt li żidedu l-ammont ta’ swabs li ttieħdu fl-aħħar sigħat ta’ nies…

Aktar