Immigrazzjoni
Ftehim proviżorju bejn il-pajjiżi tal-UE dwar il-gwardji tal-kosta u l-fruntieri

L-Istati Membri tal-Unjoni Ewropea u l-Parlament Ewropew dalgħodu laħqu ftehim proviżorju fuq liġi ġdida tal-UE dwar il-gwardji tal-kosta u l-fruntieri, li nkitbet u ġiet innegozjata mill-MEP Roberta Metsola.

Fi stqarrija maħruġa mid-delegazzjoni Maltija tal-PPE, intqal li din il-liġi se tissarraf f’żieda ta’ 10,000 gwardji tal-kosta u l-fruntieri ġodda, kif ukoll persuni li se jitpoġġew mal-fruntieri tal-Ewropa fi sforz biex jiġu indirizzati l-isfidi tal-immigrazzjoni u l-kriminalità bejn il-fruntieri.

Intqal li se jsir aktar effiċjenti wkoll il-proċess għal dawk li m’humiex eliġibbli għall-protezzjoni fl-Ewropa, kif ukoll li tiżdied il-koperazzjoni ma’ pajjiżi terzi, b’garanziji għad-drittijiet fundamentali. Il-liġi l-ġdida se tipprovdi għodod neċessarji biex jintużaw fil-fruntieri esterni biex tkun miġġielda l-kriminalità bejn l-istess fruntieri.

L-MEP Metsola qalet li tinsab sodisfatta li tlaħaq dan il-ftehim proviżorju li se jindirizza wieħed mill-aktar tħassib taċ-ċittadini fl-Unjoni. Qalet li l-liġi tal-Gwardji tal-Kosta u l-Fruntieri Ewropej se tbiddel il-mod kif l-Ewropa timmaniġġja l-fruntieri.

Il-vot finali fuq il-liġi se jittieħed f’April.

Aħbarijiet Oħra
Saħħa

Id-Dipartiment tal-Kardjoloġija fl-isptar Mater Dei jemmen li sa għaxar snin oħra, kwart tal-popolazzjoni tista’ tbati minn qalb għajjiena. Il-kardjologu Robert Xuereb qal li f’Malta hawn ‘il fuq minn 8,000 ruħ…

Lokali

Mifruxin madwar Malta, ċagħaq b’messaġġ pożittiv fuq inizjattiva tal-Fondazzjoni Richmond flimkien ma’ bank ewlieni f’Malta, biex min isib iċ-ċagħaq jiftakar li fil-ħajja jrid jagħmel kuraġġ. Il-Fondazzjoni Richmond fil-preżent qed tgħin…

Qorti

Clive Micallef ta’ 36 sena minn San Pawl il-Baħar inżamm arrestat fil-Faċilità Korrettiva ta’ Kordin wara li ġie akkużat b’serq minn karozzi fl-aħħar xahrejn. L-ispettur Godwin Scerri xehed li l-akkużat…

Aktar