Ambjent
“Ftit qabel ma għeb Għar Ħanex kont qed niġbed ir-ritratti” – Ryan Calleja

Għar Ħanex kien għar naturali mal-kosta tal-Qrendi bejn Wied iż-Żurrieq u Għar Lapsi. Din il-formazzjoni ġeoloġika rat l-elementi tan-natura jwasslu biex jumejn ilu l-għar iġġarraf. Minfloku ffurmat tieqa, li iżda waqgħet ukoll wara ftit sigħat.

Kważi sentejn wara li tlifna ġawrha naturali, dik tat-Tieqa fid-Dwejra f’Għawdex, fil-jiem illi għaddew forsi ftit huma li jafu li mal-kosta tal-Qrendi, bejn Għar Lapsi u Filfla hawn ġawrha naturali oħra illi l-maltemp ukoll ħalla l-effett tiegħu fuq Għar Ħanex.

Għall-Qrendin Għar Ħanex kien formazzjoni ġeoloġika distintiva għar-raħal, bosta kienu l-Maltin u turisti avventurużi li kienu jinżlu mal-irdumijiet ta’ taħt it-tempji tal-Imnadja u Ħaġar Qim, u jiskopru l-ġmiel ta’ dawn l-inħawi.

Ryan Calleja, ftit sigħat biss qabel Għar Ħanex għeb għalkollox kien qed jammira u jiġbed ritratti ta’ dan il-ġmiel naturali.

Ryan qal “kont fl-għar mingħajr ma naf li se jiġġarraf. Ħallietni bla kliem. Hija ta’ dieqa kbira li sfortunatament dan l-għar m’għadux jeżisti.”

Għalkemm joqgħod Birżebbuġa, Ryan kien isib is-serħan tal-moħħ u l-mistrieħ tiegħu f’Għar Ħanex.

Ryan qal “l-għar kien sabiħ ħafna u kien jinfed min-naħa għall-oħra u għalhekk tkun tista’ tgħaddi u tgħum. Hawn il-kwiet. Tiġi għall-passiġġata li tista’ tieħdok min-naħa ta’ Għar Lapsi u miż-Żurrieq.”

Nhar il-Ġimgħa l-Kbira, Għar Ħanex iġġaraf. Iżda n-natura wasslet biex iffurmat tieqa fil-blat. Iżda din ma tantx damet titgawda għax f’tebqa’ t’għajn anke din it-tieqa ġġarfet.

Persuni li tkellmu ma’ TVM spjegaw li ħadd ma jista’ jbassar in-natura iżda innutaw li minħabba li l-blat mal-kosta huwa dgħajjef ħafna, kull ma jmur qiegħed ikompli jittiekel. Ryan Calleja qal li anke fl-aħħar jumejn kompla jiġġarraf l-blat f’dawn l-inħawi.

Aħbarijiet Oħra
COVID-19

Grupp ta’ xufiera tal-karozzi tal-linja ilhom fuq xahrejn isuqu vetturi tal-gvern minflok xarabanks. Il-kumpanija Malta Public Transport qed tipprovdi dawn ix-xufiera li ta’ kuljum qed iwasslu għal swab test fiċ-ċentri…

Trasport

Minn għada t-Tnejn, l-ewwel ta’ Ġunju, ser jerġgħu jitħallew isiru l-eżamijiet, kemm prattiċi u tat-teorija, għal-liċenzji tas-sewqan. L-eżamijiet kienu twaqqfu lura f’Marzu minħabba l-imxija tal-COVID-19 u issa ser ikomplu b’għadd…

Lokali

Inkjesta Maġisterjali li nvestigat denunzji li tressqu mill-għaqda Repubblika b’allegazzjonijiet dwar qtil ta’ immigranti, u attentat ta’ qtil ta’ oħrajn ix-xahar li għadda, sabet li dawn ma kinux imsejsa fuq…

Infrastruttura

Il-ħsara fil-parti ta’ fuq tat-telgħa tas-Saqqajja mhix żgħira, b’din l-arterja prinċipali tat-traffiku fir-Rabat jaf ikollha tibqa’ magħluqa għall-karozzi diversi ġimgħat. Għal Infrastructure Malta l-interventi li se jsiru mhumiex sempliċi xogħol…

Aktar