Kultura
Fuq ir-riħ tal-irdumijiet tal-kosta tal-Qrendi jerġa’ jibda jitgawda mill-pubbliku

Proġett ta’ restawr li sewa ftit iktar minn kwart ta’ miljun ewro mħallas mill-fondazzjoni tal-ajruport internazzjonali, wassal biex torri storiku fuq ir-riħ tal-irdumijiet tal-kosta tal-Qrendi, jerġa’ jibda jitgawda mill-pubbliku. Torri Xutu kien torri għassies fi żmien l-Ordni ta’ San Ġwann iżda spiċċa mitluq iktar minn 17-il sena ilu.

Inbena fi żmien il-Gran Mastru Lascaris, l-ewwel wieħed bil-ħnejjiet u sod biżżejjed biex jintrama kanun fuq il-bejt. Turu Xutu f’tarf in-niżla ta’ Wied iż-Żurrieq kien prototip għal sensiela ta’ torrijiet li nbnew mal-kosta mis-suċċessur ta’ Lascaris – il-Gran Mastru De Redin.

Għasses mhux biss din il-parti ta’ Malta imma maż-żmien intuża mill-Pulizija tal-kosta u sal-2002 kien ukoll għassa tal-pulizija. Fl-2002 dan it-torri spiċċa abbandunat. Kien bis-saħħa tal-Malta Airport Foundation li ħadet l-inkarigu għar-restawr bħala l-ewwel proġett tagħha, u l-għaqda Din l-Art Ħelwa, li flimkien fl-aħħar erba’ snin reġgħu taw il-ħajja lil dan it-torri.

Fl-inawgurazzjoni tat-tlestija tar-restawr tiegħu, il-President Eżekuttiv ta’ Din l-Art Ħelwa, il-Professur Alex Torpiano qal li r-restawr fuq it-Torri Xutu ma kienx nieqes mill-isfidi tiegħu iżda bl-appoġġ u r-riċerka meħtieġa dan it-torri storiku issa jinsab fl-istat oriġinali tiegħu.

Alan Borg, il-Kap Eżekuttiv tal-Ajruport Internazzjonali ta’ Malta qal li permezz tal-Fondazzjoni, l-ajruport diġà investa b’mod sinifikanti fi proġetti ta’ restawr u riċerka bħala parti mir-responsabbiltà soċjali u komunitarja tiegħu. Il-Ministru għat-Turiżmu Konrad Mizzi qal li dan il-proġett ta’ restawr jikkumplimenta l-isforzi li jsiru biex ikompli jitjieb il-prodott turistiku.

Aħbarijiet Oħra
Sport

Fit-tielet logħba tagħhom fil-Kampjonat tal-Amateurs, it-tim ta’ Syria Gżira FC kiseb l-ewwel rebħa bl-iskor ta’ 3-1 kontra Fleur De Lys FC. Il-player Lucky Chizobor skurja żewġ gowls filwaqt li Julius…

Saħħa

Ilbieraħ filgħaxija għadd ta’ nies nġabru quddiem iċ-Ċentru Esplora fil-Kalkara għal mixja simbolika bħala parti mix-xahar iddedikat għall-għarfien dwar il-kanċer tas-sider, magħruf bħala Pink October. Din is-sena n-nisa u l-irġiel…

Brexit

Wara dibattitu f’sessjoni straordinarja fil-House of Commons, il-membri parlamentari ivvutaw favur mozzjoni li tobbliga lill-Prim Ministru biex jitlob estensjoni mill-Unjoni Ewropea għal Brexit. Dan sakemm il-ftehim għall-ħruġ mill-Unjoni Ewropea jiġi…

Lokali

L-invażjoni Torka fit-Tramuntana tas-Sirja ġiet ikkundannata mill-komunità Kurda f’Malta li bl-appoġġ tal-Moviment Graffitti organizzaw manifestazzjoni paċifika quddiem l-Ambaxxata Torka fil-Floriana. Huma kkundannaw dak li sejħu bħala assalt brutali u mingħajr…

Aktar