Gallerija storika tal-każin tal-banda L’Isle Adam restawrata b’fondi Ewropej

Inawgurat xogħol ta’ restawr fuq struttura storika fil-każin tal-banda L’Isle Adam fir-Rabat. Dan kien wieħed minn 37 proġett minn għaqdiet mużikali fi 33 lokalità li kienu eliġibbli għal fondi taħt il-programm LEADER tal-Unjoni Ewropea. Is-Segretarju Parlamentari għall-fondi Ewropej, Ian Borg inawgura l-proġett ta’ restawr tal-gallarija tradizzjonali li tinsab fil-kantuniera ta’ Palazzo Xara fir-Rabat biex din irritornat għad-dehra oriġinali tagħha. Dr Borg qal li l-proġett sar wara sejħa mill-Grupp Azzjoni Lokali tal-Majjistral li tamministra fondi reġjonali taħt il-programm LEADER. Qal li bl-allokazzjoni ta’ €16,000, l-Għaqda Mużikali L’isle Adam se tkompli tkattar l-interess kulturali, kif ukoll artistiku fi ħdanha.

Palazzo Xara, li huwa is-sede tal-Għaqda Muzikali L’isle Adam huwa ta’ importanza storika u jmur lura 200 sena, bis-Segretarju Parlamentari Borg jgħid li dan il-proġett ta’ konservazzjoni qed ikompli jikkonferma l-apprezzament lejn il-wirt kulturali u artistiku u l-bżonn li jitħares bl-aħjar mod possibli.

Aħbarijiet Oħra
Qorti

Sewwieq li qabeż central strip u baqa’ dieħel f’karozza b’mara u tarbija fiha kien immultat u kellu l-liċenzja tas-sewqan sospiża. L-inċident kien seħħ f’April tas-sena l-oħra, meta Herbert Said ta’…

Politika

Il-Gvern Malti kkundanna ż-żieda fil-vjolenza li qed tkun irrappurtata madwar Gaza, b’mod partikolari fuq il-pubbliku. Fi stqarrija l-Ministeru għall-Affarijiet Barranin u l-Promozzjoni tal-Kummerċ esprima l-kondoljanzi tiegħu mal-qraba tal-vittmi u solidarjetà…

Lokali

Bħala parti mill-proċess ta’ reviżjoni tar-Reġistru Elettorali, il-Kummissjoni Elettorali qed tfakkar lil kull min jikkwalifika biex ikun reġistrat bħala votant fit-30 ta’ Settembru 2018 għandu jiċċekja jekk ismu u l-partikolaritajiet…

Aktar