Lokali
Ġenituri ta’ tfal b’diżabbiltà jgħidu li diffiċli jlaħħqu mal-ħajja bit-terapiji ta’ wliedhom

Ġenituri ta’ tfal b’diżabbiltà intelletwali appellaw għal aktar appoġġ fit-terapiji għal uliedhom għaliex qalu li s-servizzi li qed jingħataw mill-Gvern mhumiex biżejjed. Fl-istess waqt saħqu għal iktar għarfien fost il-pubbliku dwar uħud mill-kundizzjonijiet fosthom l-awtiżmu.

Ġenituri ta’ tfal b’diżabbiltà intelletwali esprimew tħassib li s-soċjetà barra l-familja immedjata ma tifhmx biżejjed il-ħtiġijiet ta’ wliedhom għaliex id-diżabbiltà mhux dejjem tidher.

F’laqgħa organizzata mill-Istitut għat-Terapija tal-Familja u Paragon Europe, il-ġenituri esprimew tħassib li d-diffikultajiet għal uliedhom jiżdiedu wara l-ħin tal-iskola – meta jiġu biex jagħmlu attivitajiet bħal żfin, sports u saħansitra waqt il-lezzjonijiet tal-mużew.

Huma ġibdu l-attenzjoni li t-tfal b’kundizzjoni bħall-awtiżmu qed jiżdied, waqt li r-riżorsi umana f’dan il-qasam huma limitati ħafna.

Il-ġenituri tkellmu dwar l-għafsa ta’ qalb li jħossu kull meta jgħaddu ċertu kummenti dwar l-imġieba tat-tfal għax ma jifhmux minn xiex tkun għaddejja persuna.

Charlene Borg li taħdem f’Dar Inspire qalet ” id-diżabbiltà per se l-ewwel nett tinħass mhux għal dik il-persuna imma tinħass għall-familja kollha u ovvjament il-familja u l-individwu ma jeżistux iżolati jeżistu f’soċjetà allura kif is-soċjetà ħa tirreaġixxi lura lejn il-familja jew lejn dik il-persuna ħa taffetwahom immensament.”

Il-ġenituri appellaw għal aktar rieda politika biex jiżdiedu s-servizzi terapewtiċi għal tfal b’diżabbiltajiet intelletwali. Qalu li s-servizzi li qed jingħataw mill-Gvern mhumiex biżejjed tant li t-terapija ta’ wliedhom qed tkun piż finanzjarju għalihom.

Charlene Borg, li taħdem mill-qrib ma’ tfal b’diżabbiltà, spjegat li l dan hu proġett iffinanzjat mill-Unjoni Ewropea bil-għan li jagħti lill-ġenituri ta’ tfal b’diżabbiltà aktar informazzjoni dwar il-kundizzjoni ta’ wliedhom u kif din tkun qed taffettwalhom il-ħajja ta’ kuljum.

Charlene Borg qalet “iktar kemm ikollhom informazzjoni iktar ikunu b’saħħithom biex jgħixu l-ħajja ta’ kuljum u jgħinu lil uliedhom jiżviluppaw it-talent tagħhom.”

F’ dan il-proġett qed jieħdu sehem pajjiżi oħra bħat-Turkija, ir-Repubblika Ċeka, Spanja u d-Danimarka.

Aħbarijiet Oħra
Stejjer Umani

Mandy Vella li għandha 24 sena biss qed tgħix bi tbatija kbira minħabba li tbati b’Cystic Fibrosis. Hija tgħid li din qed taffettwalha l-pulmun u l-firxa, tbati bil-qtugħ ta’ nifs…

Avjazzjoni

Fl-istorja Maltija tal-avvjazzjoni, l-1969 ma kinitx l-isbaħ paġna. F’temp ta’ tliet xhur, nofs seklu ilu, seħħew żewġ disgrazzji tal-ajru b’ajruplani militari. L-istorja tagħhom hija fost kważi elf inċident tal-ajruplan li…

Lokali

Il-Fondazzjoni Blue Light, imwaqqfa mis-Surġent Simon Schembri mistennija tiftaħ l-ewwel dar tagħha biex tilqa’ fiha uffiċjali tal-forzi dixxiplinati li jweġġgħu waqt il-qadi ta’ dmirijiethom. Il-Ħadd filgħodu f’Ħal Safi saret attività…

Għawdex

Dalgħodu f’Dar Arka, Għajnsielem, saret quddiesa mmexxija mill-Isqof ta’ Għawdex, Mario Grech bħala talba ta’ radd il-ħajr lil Alla fi tmiem il-mandat tal-President Marie-Louise Coleiro Preca. Fi kliem il-President, l-Ewkaristija…

Aktar