Politika
George Vella se jkun il-President wara Marie-Louise Coleiro Preca?

Kollox jindika li jekk jaċċetta, it-Tabib George Vella li fl-aħħar leġiżlattura serva bħala Ministru tal-Affarijiet Barranin, ser jiġi nominat għal kariga ta’ President tar-Repubblika. Il-mandat ta’ ħames snin tal-President Marie-Louise Coleiro Preca jintemm fil-bidu ta’ April.

Dr Vella ma kkontestax l-aħħar elezzjoni ġenerali. Magħruf għall-interess tiegħu fil-politika barranija, anke wara li temm il-kariga ministerjali tiegħu ġie nominat mill-Commonwealth biex iservi f’kumitat ta’ esperti tal-Commonwealth.

Dr Vella kien ikkontesta l-elezzjoni għall-ewwel darba fl-1976 u serva fil-Parlament bejn l-1978 sal-2017. Hu kien ukoll deputat mexxej tal-Partit Laburista. F’April li ġej, Dr Vella jagħlaq 77 sena. Huwa miżżewweġ lil Miriam u għandhom tliet itfal.

Aħbarijiet Oħra
Lokali

Studju li sar mil-Kumpanija EY b’kollaborazzjoni mal-Kamra tal-Kummerċ wera li l-Industrija tal-Yachting tiġġenera aktar minn €100 miljun fis-sena minħabba dħul ieħor dirett għall-Gvern. Id-dettalji ngħataw f’konferenza tal-aħbarijiet li fiha l-Ministru…

Partit Nazzjonalista

Il-Kap tal-Oppożizzjoni Adrian Delia qal li minkejja li rreżista r-riformi l-Gvern kellu jimplimenta t-tibdil li qaltlu l-Kummissjoni Venezja. Waqt li kien qed jindirizza attività politika fiż-Żurrieq illejla, il-Kap Nazzjonalista qal…

Qorti

Raġel ta’ 26 sena, Steve Galea li nstab ħati li għex fuq il-prostituzzjoni tas-sieħba tiegħu, skansa l-ħabs wara li biddel ħajtu. Galea, kien ukoll akkużat li flimkien ma’ tnejn oħra,…

Aktar