Kurżitajiet
Ġeru jmut fgat fil-kabina tal-United Airlines

Kelb tar-razza French Bulldog miet fgat abbord ajruplan tal-United Airlines wara li dan tpoġġa fil-kabina tal-bagalji.

Abbord it-titjira li kienet sejra lejn New York minn Houston, mara li kienet qed tivvjaġġa flimkien maż-żewġt ibniet tagħha kellha l-kelb f’pet carrier.

Għalkemm il-regoli tal-kumpanija jgħidu li kwalunkwe pet carrier għandu jinżamm taħt is-sedil tul il-vjaġġ kollu, il-membri tal-ekwipaġġ talbu lill-mara titfa’ l-ġeru fil-kabina.

Il-membri tal-ekwipaġġ insistew li l-ġeru jissakkar fil-kompartament għal tliet sigħat sħaħ fejn dan faga b’riżultat ta’ nuqqas ta’ ċirkolazzjoni tal-arja. Huma  kienu assiguraw lill-mara li l-ġeru kien se jkun sigur u għalhekk, il-mara ċediet.

Il-linja tal-ajru assumiet ir-responsabbiltà kollha fejn qalet li dan kien inċident sfortunat.

Mhux l-ewwel darba li l-annimali mietu abbord titjiriet tal-United Airlines. Il-linja tal-ajru hija magħrufa għan-nuqqas t’etika.

 

Aħbarijiet Oħra
Barranin

Il-Bank of England esprima l-intenzjoni li jfakkar lil Alan Turing fuq il-karta tal-£50, wara li l-awtoritajiet ta’ żmienu għaddewh minn martirju għax kien omosesswali. Turing kien matematiku viżjonarju, u s-servizz…

Lokali

Pedro għandu sena, u ma jitflifx bulettin tal-aħbarijiet wieħed minn ta’ TVM. Il-favorit tiegħu iżda huwa ta’ nofsinhar, li jinqara minn Joe Dimech. Ommu, Maryanne Molina Xuereb, qalet lil TVM…

Barranin

F’Napli, f’bajja fiż-żona ta’ Varcaturo, minn imkien tfaċċa l-maltemp bi tromba tal-arja spiċċat għamlet ħerba sħiħa. Dawk li kienu qed jirrilassaw u jgawdu l-baħar kellhom jippakkjaw u jitilqu jiġru mill-bajja…

Barranin

Meta kien fadal inqas minn siegħa qabel l-India jtella’ l-vettura spazzjali, il-pajjiż issospenda t-tieni missjoni lejn il-qamar. L-aġenzija spazjali Indjana qalet li t-tluq tal-vettura tħassar minħabba problemi tekniċi. Żiedet tgħid…

Aktar