Barranin
Ġest erojku jiswielu ħajtu

Kelb tar-razza English Setter miet meta ddefenda lil sidu u 4 klieb oħra minn ors.  Pete, li kellu 14-il sena, kien qed jakkumpanja lil sidu Stephen Parisi li mar mixja fl-inħawi tar-Riserva ta’ Monksville fi New Jersey u sfaw attakkati minn ors iswed.

Jidher li l-ors kien qed jistkenn u ma xammx lil Stephen u l-klieb u b’hekk inħasad u għamel għalihom.  Pete il-kelb irnexxielu jżomm lill-ors bogħod minn sidu, li rabat lill-erbat iklieb oħra ma’ siġra, f’post iktar sigur.

Meta kien irritorna lejn l-ors biex jipprova jikkalma s-sitwazzjoni, sab lil Pete midrub sew u b’dahru miksur.  Stephen geżwru f’ġakketta u beda jkaxkru mill-barnuża sakemm għabbieh fil-karozza.

Il-kelb ittieħed l-isptar fejn instab li l-ġrieħi li ġarrab kienu se jċaħduh milli jkun jista’ jimxi.  Għaldaqstant sidu ddeċiedi li l-kelb jitraqqad biex ma jbatix.

Stephen u martu Cathi qalu li se jiftakru lil Pete bħala kelb ferrieħi li kien iħobb jiġri fil-bosk u jxejjer denbu minn kull fejn ikun għaddej!

 

 

Aħbarijiet Oħra
Barranin

Fil-ġurnata li l-Italja hi mitluba tibgħat budget ġdid lill-Kummissjoni Ewropea, wara li dak oriġinali ma ġiex aċċettat, jidher li l-effett fuq il-bwiet tan-nies qed jinħass. Ħwienet tal-kafè f’Ruma qed jgħidu…

Barranin

Żblokk fis-saga Brexit. Downing Street ikkonferma li ntlaħaq qbil fuq livell tekniku bejn ir-Renju Unit u l-Kummissjoni Ewropea. Illejla f’Londra, Il-Prim Ministru tar-Renju Unit Theresa May qed tiltaqa’ mal-Ministri  f’10…

Barranin

F’inċident traġiku li seħħ f’Treviso, l-Italja missier li kellu lil ibnu ta’ xaharejn f’idejh tfixkel f’saqajh u tgerbeb it-taraġ. Konsegwenza tal-waqa’, it-tarbija mietet wara li ħabtet rasha mal-bieb ta’ barra….

Aktar