Lokali
Għadd ta’ turisti jistennew barra l-Kastell Windsor fejn iżżewġu l-Prinċep Harry u Meghan Markle

L-għada tat-tieġ bejn il-Prinċep Harry u l-attriċi Amerikana Meghan Markle, għadd kbir ta’ turisti kienu kurjużi biex jaraw mill-qrib il-Kastell Windsor fejn saret iċ-ċerimonja taż-żwieġ. Sadanittant, l-ammiraturi tal-familja rjali ma fadlilhomx wisq jistennew biex jaraw lid-Duka u d-Dukessa ta’ Susses fl-impenn uffiċjali tagħhom.

L-għada tat-tieġ irjali bejn il-Prinċep Harry u Meghan, li fir-Renju Unit biss segwewh tmintax-il miljun persuna, għadd kbir ta’ Ingliżi u turisti kjuwjaw barra l-Kastell Windsor. Ħafna minnhom xtaqu jidħlu fil-kappella medjevali ta’ San Ġorġ fejn il-koppja rjali qalet is-Signor Si.

“I am excited to see inside the castle. Yesterday I came to watch the procession and it was beautiful. So this is my first time here and I am really excited.”

“Yes, yesterday I was watching the live. I was in London so I could not visit the Windsor Castle yesterday but still the wedding saga is going on I feel. I see everywhere the photos, the crowns and all. I am very happy to be here.”

“Well, I’m hoping to go into the chapel and see all the flowers from yesterday, all the lovely floral engagements and a bit of history. We’re queuing for half an hour so it must be worth it.”

Ammiraturi tal-familja Rjali dalgħodu bakru kmieni biex jilħqu jixtru xi gazzetta jew tnejn biex iżommuhom rikordju tat-tieġ irjali.

Hu rrappurtat li t-tieġ irjali sewa mas-€36 miljun u 94% minnhom għas-sigurtà tal-mistiedna u l-eluf li nġabru fl-inħawi tal-Kastell Windsor.Il-familja rjali qalet li se tagħmel tajjeb għat-tieġ, li jinkludi fost oħrajn il-mużika, il-fjuri, id-dekorazzjoni u r-riċeviment wara, iżda parti kbira mill-ispiża tas-sigurtà mistennija tintrefa mill-Ingliżi.

Sadanittant, l-ewwel impenn uffiċjali għad-Duka u d-Dukessa ta’ Sussex, se jkun nhar it-Tlieta fil-ġonna tal-Palazz Buckingham għaċ-ċelebrazzjonijiet tas-sebgħin sena tal-Prinċep Charles.

Il-koppja mhumiex mistennija li jmorru għal qamar il-għasel għalissa. Fost l-aktar pajjiżi li qed jisemmew għal qamar l-għasel tagħhom hemm il-Botswana.

Aħbarijiet Oħra
Annimali

Il-Kumitat Kontra l-Qtil tal-Għasafar (CABS) qal li fl-ewwel għodwa tal-insib diġà sabu żewġ każijiet ta’ abbuż. Fi stqarrija, il-CABS qal li membri tiegħu ġibdu l-attenzjoni tal-Pulizija li fl-Imtaħleb kien hemm…

Budget

Għada se jitħabbar it-tieni budget ta’ din il-leġislatura mill-Ministru tal-Finanzi Edward Scicluna. Filmat imxerred fuq il-mezzi soċjali ġie spjegat l-għan tal-Budget, li jgħolli l-kwalità tas-servizzi li joffri l-Gvern fosthom dawk tas-saħħa…

Ikel

Ħafna jiħduh bħala duwa meta jkollhom uġigħ fi griżmejhom jew għal taqlib fl-istonku, oħrajn iżiduh mal-kafè jew mat-te. Qed nirreferu għall-ġulepp tal-ħarrub li jissajjar bħal daż-żmien, hekk kif tibda toqrob…

Ġurnali

Ħarsa lejn l-istejjer ewlenin fil-ġurnali tal-lum The Sunday Times Fuq il-faċċata storja b’ritratt li tgħid li bini tal-Gvern fi Xrobb l-Għaġin li qabel kien jintuża mill-ex Prim Ministru Dom Mintoff…

Aktar