Propjetà
Lest l-iskavar fi 13-il sit biex jinbnew postijiet tal-housing

Is-Segretarju Parlamentari għall-Akkomodazzjoni Soċjali, Roderick Galdes, qal li miexi x-xogħol fuq appartamenti ġodda ta’ akkomodazzjoni soċjali. Huwa qal li l-Gvern qed jibni 1,700 appartament ġdid.

F’konferenza tal-aħbarijiet dwar il-miżuri li tħabbru fil-budget ta’ din is-sena, is-Sur Galdes qal li lest l-iskavar fuq 13-il sit, li f’diversi postijiet minnhom ix-xogħol jinsab fi stadju avvanzat.

Is-Segretarju Parlamentari qal li l-mira ewlenija tal-Gvern hi li kulħadd ikollu saqaf fuq rasu. Semma’ li qed jiġu mgħejjuna mitt familja permezz tal-iskema sabiex dawk isiru sidien ta’ djarhom.

Dwar il-benefiċċju tal-kera, is-Sur Galdes qal li dan qed jiġi kkalkulat skont l-ispejjeż li persuna tagħmel, sabiex ma taqax fil faqar. Qal li minn massimu ta’ €166 fix-xahar, dan tela’ għal €440 fix xahar. Minn din l-iskema qed jibbenefikaw mal-1,200 familja.

Dwar ir-riforma tal-kera li bħalissa tinsab għad-diskussjoni fil-Parlament, is-Segretarju Parlamentari Galdes qal li din mhiex biss se twassal suq iktar b’saħħtu, imma li ħadd ma jaqa lura.

Ritratt (fuq nett): Impressjoni artistika tal-proġett ta’ akkomodazzjoni soċjali fis-Siġġiewi

Aħbarijiet Oħra
Kronaka

Raġel ta’ 34 sena, li joqgħod il-Fgura, weġġa’ gravi waqt li kien qed isuq ir-rota. Mill-ewwel investigazzjonijiet tal-pulizija jirriżulta li ċ-ċiklist kellu mpatt ma’ bollard u ġarrab xi ġrieħi. Huwa…

Kronaka

Żagħżugħ ta’ 19-il sena minn Ħal Tarxien ġie arrestat il-lejl li għadda dwar serqa minn lukanda f’San Pawl il-Baħar. Il-Pulizija qalet li għall-ħabta tal-11:30 p.m. irċeviet rapport minn ħaddiema ta’…

Politika

B’reazzjoni għall-istqarrija tad-deputati Nazzjonalisti li rrefera għalihom bħala li sal-lum mhux magħrufa, il-Kap tal-Oppożizzjoni u tal-Partit Nazzjonalista Adrian Delia qal li s-sottomissjonijiet legali diġà saru minnu stess mal-President ta’ Malta…

Aktar