Għadu fil-periklu tal-mewt iż-żagħżugħ mill-Mellieħa li lbieraħ waqa’ minn ċint ħdejn il-Junior college, b’xhieda jsostnu li ġie mbuttat.
Iż-żagħżugħ kien qiegħed jiċċelebra l-gradwazzjoni tiegħu bħala Infermier b’festin fuq xarabank. Waqt din ir-rotta ta’ ċelebrazzjoni iż-żgħażagħ waqfu l-Junior College, fejn seħħ l-inċident.
Sadanittant, xhieda fuq il-post li tkellmu ma’ TVM qalu li seħħ argument bejn iż-żagħżugħ u student tal-Junior College. L-istess xhieda qalu li ż-żagħżugħ qala’ daqqa ta’ ponn u ġie mbuttat, fejn waqa’ u ħabat rasu mal-bankina.
Kelliem għall-pulizija qal lil TVM li l-pulizija kellmet numru ta’ persuni b’rabta mal-każ.
Ritratt: Iċ-ċelebrazzjonijiet tal-bieraħ mill-infermiera gradwati fl-Università ta’ Malta – Facebook.
Ara wkoll:
Inqas minn xahar bogħod mill-Karnival, karru satiriku qajjem kontroversja. L-awtoritajiet iridu li l-karristi jbiddluh biex ma jkunx offensiv waqt li l-karristi qed jiddefendu l-idea tal-karru u jgħidu li ma ġietx…
Minn nhar is-Sibt it-traġitti bil-passiġġieri bejn Malta u Kemmuna ser jibdew isiru minn Kooperativa Comino Ferries li fiha seba’ operaturi. Il-koperattiva kienet l-uniku operatur li għamel l-offerta wara sejħa pubblika…
Persuni b’mard kroniku jew diżabilità qed iħossuhom diskriminati li kumpaniji tal-assikurazzjoni mhux qed iħalluhom jixtru polza ta’ assikurazzjoni fuq ħajjithom li mingħajrha ma jistgħux jieħdu self mill-bank jew possibilment jibdew…
Il-missjoni tal-Kummissjoni tas-Servizz Pubbliku, bħala organu mwaqqaf mill-Kostituzzjoni, hi li tassigura li l-ingaġġ ta’ ħaddiema maċ-ċivil ikun effiċjenti u bbażat fuq il-mertu. Il-Kummissjoni tieħu ħsieb ukoll il-proċeduri dixxiplinarji fil-konfront tal-ħaddiema…