Lokali
Għaffeġ il-plastik u irbaħ il-flus

Sa issa madwar 32% biss tal-plastik li jintuża f’Malta qed jiġi rkuprat biex jiġi riċklat. Waqt tnedija ta’ kampanija msejħa ‘Għaffeġ u Irbaħ’ mill-kumpanija Greenpak, il-Ministru għall-Ambjent, Josè Herrera qal li minkejja d-diversi sforzi, is-separazzjoni tal-iskart għadha ma daħlitx fil-kultura tal-poplu. Huwa qal li 12%  biss tal-iskart iġġenerat qed jiġi riċiklat. Dan ifisser kważi 50% inqas tal-miri stabbiliti mill-Unjoni Ewropea li jridu jintlaħqu sal-2020.

Il-Ministru Herrera qal li għalhekk il-Gvern se jkollu jinforza l-obbligu tas-separazzjoni tal-iskart.

“Fejn qabel kienet volontarja, issa se jkun hemm liġi, liġi pjuttost iebsa fejn ir-riċiklaġġ se jiġi infurzat, kemm għal dak domestiku kif ukoll dak kummerċjali. Se ndaħħluha għal-lukandi, ristoranti, eċċ. Jiġifieri se jkun hemm liġi li tobbliga lil dak li jkun jirriċikla. Jekk le, jeħel il-penali u l-multi li għandu jeħel” qal Josè Herrera.

Intant f’inizjattiva mill-privat il-kumpanija Greenpak waħda miż-żewġ kumpaniji awtorizzati għall-irkupru u r-riċiklaġġ tal-materjal ħabbret li ser tibda trebbaħ sa €100 kuljum lil min jiddisponi mill-kontenituri tal-plastik kif suppost.

Il-Kap Eżekuttiv tal-GreenPak, Mario Schembri qal li din l-inizjattiva hija maħsuba wkoll biex tnaqqas ir-rimi tal-fliexken tal-plastik bl-addoċċ fil-kampanja, fil-baħar u kullimkien.

L-Inġinier Mario Schembri qal li “nitolbu lin-nies biex il-fliexken tal-plastik jgħaffġuhom, ikunu ta’ xiex ikunu, jiktbu t-telephone number fuqu u jarmuh fil-Bring in Site il-blu. Il-Bring in Site se jkollhom l-isticker Crush and Win, allura jistgħu jgħarrfuha, u minn hemmhekk nagħżlu flixkun mgħaffeġ u nrebħuh €100.” Żied jgħid li din il-kampanja ser tibqa’ ghaddejja sal-aħħar tas-sena d-dieħla.

Aħbarijiet Oħra
Knisja Maltija

Riċerka ppubblikata fl-aħħar jiem tixħet dawl dwar l-ewwel attentati għas-separazzjoni tal-poteri bejn Stat u Knisja f’Malta. Kien Nicolo’ Muscat – figura prominenti fl-amministrazzjoni tal-Ordni tal-Kavallieri – li f’nofs is-seklu 18…

Lokali

Ġimgħa wara d-delitt ta’ omm żagħżugħa f’Raħal Ġdid li allegatament inqatlet mis-sieħeb tagħha, bosta għaqdiet speċjalment tan-nisa komplew jitkellmu b’diversi stqarrijiet dwar dan il-femiċidju u l-problema tal-vjolenza domestika. Mill-banda l-oħra…

Annimali

L-Assoċjazzjoni Exotic Finch Malta qed tagħti opportunità oħra lill-pubblika japprezza l-ġmiel ta’ 500 għasfur li minkejja li l-oriġini tagħhom hija barranija tfaqqsu f’Malta wara ħafna studju u esperementazzjoni. Il-wirja li…

Lokali

Il-Malta National Electromobility Platform fi ħdan Transport Malta qed tikkordina diversi inizjattivi u attivitajiet marbuta mal-Ġimgħa Ewropea Tal-Mobbiltà. It-tema għal din is-sena hija “Multimodality – Mix and Move”. Din it-tema…

Aktar