Kronaka
Għaliex huwa mfittex dan ir-raġel?

Ir-raġel li lbieraħ il-Pulizija ppubblikaw ritratti tiegħu qed ikun imfittex b’rabta ma’ serqa li seħħet ix-xahar illi għadda f’Tas-Sliema. Il-Pulizija talbet l-għajnuna tal-pubbliku biex issib lil dan ir-raġel.

Minn stħarriġ li għamel TVM jirriżulta li l-persuna qed tkun imfittxija mill-Pulizija tad-Dipartiment tal-Investigazzjonijiet Kriminali b’rabta ma’ serqa li saret fit-18 ta’ Mejju fuq koppja anzjana minn tas-Sliema.

Ir-raġel ta’ 91 sena u martu ta’ 87 sofrew ġrieħi serji meta sfaw attakkati minn ħalliel ftit ħin wara li ħarġu mill-knisja ta’ San Girgor. Il-ħalliel, li l-Pulizija qalet li hu Malti, ħebb għall-koppja anzjana bejn Triq Nicolo Isouard u Triq Dun Karm. Il-ħalliel imbotta lill-anzjan mal-art u ħarab b’ġiżirana tal-perli li qaċċat minn ma’ għonq l-anzjana. L-anzjani għamlu żmien l-isptar għall-kura minħabba ġrieħi li sofrew kawża ta’ dan l-attakk.

Il-Pulizija qalet li tilqa’ kwalunkwe tip ta’ tagħrif dwar ir-raġel fuq in-numri 21 22 40 01 jew 119, anke b’mod anonimu.

Aħbarijiet Oħra
Immigrazzjoni

Mill-1 ta Lulju li ġej ser jidħol fis-seħħ il-ftehim bejn Malta u l-Libja li ġie ffirmat mill-Prim Ministru Robert Abela waqt żjara ta’ ftit sigħat li għamel fi Tripli l-ġimgħa…

Lokali

Ħaddiema Torok li ġew Malta biex jaħdmu fuq proġetti kbar tal-privat qed jilmentaw li ilhom xhur ma jitħallsu l-paga mill-kumpanija Torka TACA li fost proġetti li qed taħdem fuqhom hemm…

Lokali

L-attur Mario Micallef li waqt Covid 19 wassal messaġġ b’saħħtu biex l-anzjani jibqgħu d-dar, qalilna li jħossu qisu twieled mill-ġdid, il-fatt li wara tlett xhur reġa’ qed jara l-arja ta’…

Lokali

L-Assoċjazzjoni taċ-Childcare Centres qalet li kollox jinsab lest biex minn għada jerġgħu jiftħu l-bibien tagħhom. Fost il-miżuri ta’ protezzjoni, l-impjegati f’dawn iċ-ċentri se jilbsu maskri jew visors il-ħin kollu, waqt…

Aktar