Barranin
Għaliex ikun hemm kju fit-toilets pubbliċi tan-nisa?

Minkejja li fl-ibliet jgħixu l-irġiel u n-nisa filmat mill-BBC jgħid li dawn mhumiex mibnija tajjeb għal kulħadd, jiġifieri għall-irġiel u n-nisa.

Skont il-filmat, kull belt u raħal huwa ddisinjat u mibni mill-irġiel għall-irġiel. Biss f’dawn l-aħħar erba’ snin f’Barċelona, hemm diversi sindki nisa u qed jippromovu aġenda femminili. Min-naħa tagħhom qed juru kif l-ibliet mhux mibnija għall-ħtiġijiet tan-nisa u qed jaħdmu fuq dan. Wieħed mill-eżempji li jellenkaw huma t-toilets.

Sara Ortiz, urban planner, qalet li psikoloġikament u bijoloġikament in-nisa jużaw aktar it-toilet ta’ spiss. Qalet li diversi ommijiet qalu li ma jistgħux jużaw it-toilets pubbliċi minħabba li ma jkunux jistgħu jdaħħlu l-pram magħhom u allura ma jużawx it-toilet.

Ġie spjegat li filwaqt li n-nisa jużaw aktar it-toilet, l-irġiel jistgħu wkoll jagħmlu użu mit-toilet bilwieqfa u għalhekk fl-istess spazju tista’ tpoġġi aktar toilets f’tal-irġiel. Għaldaqstant intqal li minn tal-inqas l-ispazju tat-toilets tan-nisa għandu jkun tliet darbiet akbar minn tal-irġiel.

Eżempju ieħor għala l-belt mhux mibnija għan-nisa huwa l-mod ta’ kif in-nisa u l-irġiel jużaw l-ispazju b’mod differenti. Ġie spjegat li ġeneralment, eżempju f’bandli jkun hemm spazju vojt fin-nofs, li ġeneralment jintuża biex jintlagħab il-futbol. F’Barċelona provaw jibnu post pubbliku tajjeb kemm għall-irġiel kif ukoll għan-nisa.

Dwar it-trasport, ġie spjegat li s-sistema hija mibnija aktar għall-irġiel. Intqal li skont statistika n-nisa jivvjaġġaw aktar bil-mixi u bit-trasport pubbliku mill-irġiel. Qalet li b’mod ġenerali l-mezzi tat-trasport tan-nisa huma aktar sostenibbli.

Aħbarijiet Oħra
Barranin

Għat-tielet ġurnata infila, iċ-Ċina ħabbret tnaqqis f’każijiet ġodda ta’ infezzjonijiet mill-coronavirus. L-awtoritajiet irrapportaw 2,009 każi ġodda u 142 mewt fil-pajjiż. Aktar kmieni din il-ġimgħa kien hemm żieda fil-każi ġodda wara…

Barranin

Il-Qatar miexi biex jistabilixxi rekord ġdid bħala l-iżgħar pajjiż li qatt organizza t-tazza tad-dinja, anke jekk il-klima sħuna tal-Qatar u l-fatt li m’għandux tradizzjoni kbira tal-futbol jagħmlu din il-missjoni iktar…

Mużika

Mill-Eurovision Song Contest li għadda ‘l hawn, Michela Pace ħadmet qatigħ, bil-għan li tkompli timraħ fix-xena mużikali. U, proprju f’Jum San Valentinu, frott l-għadd ta’ sagrifiċċji li Michela għamlet, il-kantanta…

Barranin

Filmat miġbud taħt il-baħar juri xena kommoventi ta’ għaddasa Taljani li għenu kelb il-baħar kbir fil-Maldivi. L-għaddasa kienu qegħdin viċin il-gżira Fuvahmulah, meta ltaqgħu ma’ whale shark ta’ madwar 4…

Aktar