Kultura
Għall-ewwel darba barra r-Renju Unit – il-Papplewick School Choir f’Malta

Kor tat-tfal minn skola fil-belt ta’ Ascot fl-Ingilterra għamel id-debutt tiegħu barra mir-Renju Unit bi tliet kunċerti f’Malta fi tmiem il-ġimgħa.

Kor magħmul mill-ilħna anġeliċi ta’ sittax-il korista subien u l-vjolinista Tonwyn Li, li jattendu l-iskola Papplewick fir-Renju Unit, ta tliet kunċerti fi knejjes Maltin bi stedina mill-Fondazzjoni Papa Ġwanni Pawlu t-Tieni.

Il-kor immexxi mis-surmast Robert Parton jinterpreta innijiet minn kompożituri magħrufa fosthom John Rutter, Colin Gibson u Felix Mendelssohn.

Id-direttur tal-kor u l-organista, Chris Goodwin, qal li t-tfal jissieltu biex jingħaqdu mal-kor, u s-sittax-il korista jattendu għal provi kuljum.

Id-Direttur tal-Papplewick School Choir, Chris Goodwin qal ”music is really important its a universal language, a lot of boys who come to Papperwick are not English born, so its very important cause singing brings them together, singing is very important at our school, we pride ourselves on good singing at our chapel.”

Din kienet l-ewwel żjara tal-kor barra mir-Renju Unit. F’Malta, il-kunċerti saru fil-knisja ta’ San Ġwann tas-Salib f’Ta’ Xbiex fejn din is-sena l-parroċċa qed tfakkar il-ħamsin sena mit-twaqqif tagħha; fil-Knisja Parrokkjali tas-Salvatur f’Ħal Lija li qed tfakkar l-425 sena; u fis-Santwarju ddedikat lil Madonna ta’ Pompei f’Marsaxlokk.

Aħbarijiet Oħra
Politika

Il-Kap tal-Partit Nazzjonalista Adrian Delia akkuża lill-Gvern li tilef ir-ruħ soċjali tiegħu, u li qed itellef lil pajjiż mill-fibra morali, tant li fi kliemu sar pajjiż li fih xi ħadd…

Politika

Il-Prim Ministru u l-Mexxej tal-Partit Laburista, Joseph Muscat, qal li issa huwa ż-żmien biex ikun hemm diskussjoni serja dwar l-integrazzjoni biex kulħadd iħossu ugwali. Dr Muscat qal li dan huwa…

Kultura

Festival ta’ films kontemporanji Taljani se jkun organizzat bejn għada u l-Ħadd li ġej mill-Istitut Taljan tal-Kultura b’kollaborazzjoni ma’ Spazju Kreattiv u l-Programm għall-Istudji tal-Film tal-Università ta’ Malta. Cinema Italia…

Saħħa

Il-kumpanija tal-Gvern Malta Air Travel ippubblikat sejħa għall-proposti biex jinstab operatur għas-servizz tal-ajru bejn Għawdex u Malta. Fi stqarrija konġunta bejn il-Ministeru tat-Turiżmu u l-Ministeru għal Għawdex intqal li l-ħelikopter…

Aktar