Lokali
“Għall-grazzja t’Alla għadni hawn”

Uġigħ kbir f’rasha wassal għal operazzjoni b’urġenza li ħadet aktar minn disa’ sigħat biex tneħħa tumur. Din hi l-esperjenza li għaddiet minnha xahrejn ilu mart il-Ministru tal-Affarijiet Barranin, f’eżempju ieħor li l-mard m’għandux żmien u jilħaq lil kulħadd.

Xahrejn ilu, ħasset uġigħ kbir f’rasha waqt li kienet rieqda. “Kienet qisha splużjoni żgħira f’moħħi. Dik kienet id-deskrizzjoni eżatt. Għedtlu nieħu żewġ pilloli u tgħaddi bħas-soltu” qalet Melanie Abela.

Binha, Andrea, ma kienx kuntent bir-risposta. Minn wara daharha, ċempel lit-tabiba tal-familja. Bagħtitha tagħmel MRI l-isptar. L-affarijiet mill-ewwel ma dehrux sbieħ.

“Għedtilha ‘u issa, x’se jiġri?’. Qaltli ‘imma qed tifhimni x’qed ngħidlek?’ Għedtilha ‘iva, u issa x’se jiġri?’. Qaltli operation. Dik kienet. Operazzjoni malajr.”

Daqqa oħra għaliha kienet meta t-tobba qalulha li jkollhom iqaxxrulha xagħarha.

“Bdejt ngħid kif se nħares lejja nnifsi u lejn il-mera b’xagħri mqaxxar? Bil-ferita tidher? Jien lesta nħares lejja? Ma kontx lesta, le.”

Moħħha beda jiġri biha sakemm it-tobba tawha l-loppju. “Tibda tgħid jien se nqum minn hemm? Iva kien hemm ħsieb.”

L-operazzjoni biex jitneħħa t-tumur damet 9 sigħat. “It-tumur tant kien kbir li l-moħħ mexa fuq naħa waħda. Kont ngħid jien se nerġa’ niġi lura? Se nerġa’ niġi lura?”

Il-jiem ta’ wara l-operazzjoni ma kinux faċli; speċjalment għal żewġha . . . il-Ministru Carmelo Abela u wliedha.

“Irrifjuta ċertu safar li seta’ jirrifjuta. Oħrajn ma setax imma u kienet diffiċli għalih li jħalli lili f’dak l-istat u jsiefer fuq ix-xogħol.”

Is-Sinjura Abela reġgħet lura fir-rutina tal-familja. Għalkemm kull 6 xhur trid tibqa’ tagħmel it-testijiet, tħossha xxurjata li l-Milied se tqattgħu mal-għeżież tagħha. “Iva. Ħafna. Eħ. Inkredibbli. Qisha ħolma li għaddiet. Ngħid għall-grazzja tal-ħanin Alla, għadna hawn. Yes. ”

Aħbarijiet Oħra
COVID-19

Fl-aħħar 24 siegħa ħarġu 55 każ ġdid u fiequ 13-il persuna. B’hekk b’kollox hawn 528 każ attiv. Dan wara li saru rekord ta’ swab tests – 2,485. Fl-aġġornament mediku, il-Ministeru…

Lokali

Is-Segretarju Parlamentari għall-Persuni b’Diżabilità u Anzjanità Attiva, Silvio Parnis ħabbar li se ssir is-seba’ edizzjoni tal-Premju Anzjanità Attiva 2020, b’din id-darba se jiġu ntrodotti żewġ premji ġodda, Premju għall-anzjanità attiva…

Edukazzjoni

Nhar l-Erbgħa, it-12 ta’Awwissu, l-Aġenzija Nazzjonali tal-Litteriżmu bi sħab mal-Ministeru għall-Ambjent, it-Tibdil fil-Klima u l-Ippjanar, nediet kompetizzjoni bil-għan li tkompli tqajjem kuxjenza fuq l-importanza li nibżgħu għall-bajjiet u l-ambjent marittimu…

COVID-19

Ta’ kuljum qed isiru ammonti kbar ta’ testijiet għall-coronavirus. F’dan ix-xenarju, Is-Servizz Nazzjonali tat-Trasfużjoni tad-Demm qed mill-ġdid ifakkar li dawk il-persuni li jkunu qed jistennew biex jagħmlu t-test, jew ikun…

Aktar