Lokali
AĠĠORNAT (2): Għalliem aggredit fi skola

Għalliem safa’ aggredit fl-iskola sekondarja tal-Kulleġġ Santa Margerita, magħrufa bħala tal-Verdala, f’Bormla.

Dan kien ikkonfermat mill-Pulizija ma’ tvm.com.mt.

Fi stqarrija l-Ministeru għall-Edukazzjoni qal li persuna ħebbet għal uffiċjali fi skola tal-istat. Stqarr li l-uffiċjali ngħata l-appoġġ meħtieġ u sar rapport lill-Pulizija.

Huwa ddeplora dawn l-atti vjolenti u talab lill-awtoritajiet biex jieħdu l-passi kollha possibbli fil-liġi fil-konfront tal-individwu.

Fi stqarrija, l-MUT ikkundannat l-aggressjoni fuq l-għalliem u edukaturi. Filwaqt li qalet li qed taħdem fil-qrib mal-edukaturi fl-iskola li seħħ l-inċident, l-MUT saħqet li dan hu aġir inaċċettabli u hu sintomatiku tas-sitwazzjoni li qed jaffaċċjaw l-edukaturi fil-qadi ta’ dmirijiethom. Stqarret li minflok ma jkunu megħjuna sabiex jindirizzaw id-diffikultajiet li jiltaqgħu magħhom ta’ kuljum, l-edukaturi qed iġarrbu sitwazzjonijiet fejn xi ġenituri ma jikkoperawx u minflok ma jgħinuhom sabiex uliedhom jaħdmu fuq in-nuqqasijiet, iwaħħlu fl-iskola u l-edukaturi għall-istess nuqqasijiet. Hija tenniet l-appell għal miżuri ta’ sigurtà fl-iskejjel.

Aħbarijiet Oħra
Lokali

L-Awditur Ġenerali nnota li minkejja li żdiedu l-ispeċjalisti fid-Dipartiment tal-Outpatient tal-Isptar Mater Dei, il-ħin ta’ stennija għall-appuntamenti fl-outpatient għadu eċċessiv. L-Awditur Ġenerali qal li dawn iċ-ċirkostanzi ilhom ġejjin żmien twil,…

Lokali

Andre Bugeja ta’ 19-il sena u Massimo Fasanelli ta’ 18-il sena, it-tnejn minn Tas-Sliema, baqgħu miżmuma arrestati wara li tressqu l-Qorti mixlija li fil-lejl bejn it-8 u d-9 ta’ Settembru…

Lokali

Il-Kunsill Malti għall-Arti ppubblika l-applikazzjonijiet u r-regolamenti għal dawk li jixtiequ jipparteċipaw f’kompetizzjoni tal-presepji. Il-kompetizzjoni se tkun imqassma f’sitt sezzjonijiet, li jinkludu presepji mekkanizzati u dawk statiċi ta’ daqsijiet differenti….

Lokali

Tħabbar il-programm ta’ attivitajiet għall-kampanja internazzjonali dwar il-vjolenza kontra n-nisa, li se ddum għaddejja sittax-il ġurnata, mill-24 ta’ Novembru sal-10 ta’ Diċembru. Il-Kummissarju kontra l-Vjolenza Domestika, Joe Gerada, qal li…

Aktar