Għamara x’aktarx ta’ ex-Prim Ministru fost 1,200 oġġett għall-irkant

Għamara li x’aktarx kienet fir-residenza tal-ewwel Prim Ministru ta’ Malta, Joseph Howard, hija fost 1,200 oġġett li se jiġu rkantati. Ħafna mill-oġġetti kienu jiffurmaw parti minn kollezzjonijiet privati.

Irkantijiet f’Malta jsiru ta’ spiss iżda wħud minhom jattiraw aktar attenzjoni minħabba antikajiet ta’ preġju li wħud minnhom ikunu aktar jimmeritaw li jkunu fil-kollezzjoni nazzjonali aktar milli fil-kollezzjonijiet privati.

Żorna wirja ta’ qabel l-irkant u laqtuna diversi oġġetti li ser jinbiegħu għal prezz deċiż mid-daqqa tal-martell. Fost dawn ktieb rari dwar l-istorja tal-Ordni ta’ San Ġwann f’Malta miktub mill-istoriku Franċiż, Abbe de Vertot fil-bidu tas-seklu tmintax. Sibna wkoll platt tal-fidda maħdum minn Saverio Meli li kien ġie ppreżentat lill-Brigadier Sir Thomas Graham bħala rikonoxximent mill-poplu Malti għas-sehem tiegħu biex il-Belt Valletta nħelset mill-Franċiżi fl-1800.

Minbarra, il-kwadri, minuti, armi, ġojjellerija, arloġġi u dokumenti antiki, l-irkant jinkludi għamara antika fosthom mera b’figura ta’ mara skolpita fl-injam li x’aktarx kienet parti mill-kollezzjoni tal-ewwel Prim Ministru Malti, Joseph Howard. Għall-wiri wkoll biċċiet ta’ arti mill-bottega ta’ Mattia Preti għall-arti kontemporanja tas-seklu 20 mill-artisti Esprit Barthet, Antoine Camilleri, Richard England, Emvin Cremona, Willie Apap u Ramond Pitre fost l-oħrajn.

Aħbarijiet Oħra
Lokali

Fil-fehma tad-Dekan tal-Fakultà għat-Tisħiħ tas-Soċjetà, il-Professur Andrew Azzopardi, il-ġlieda kontra d-droga u l-kultura tal-flus huma kruċjali biex iż-żgħażagħ ma jaqbdux it-triq tal-kriminalità li studju juru li jekk jidħlu fiha minn…

Kronaka

Il-pulizija qed tfittex raġel li wara nofsinhar daħal jisraq minn dar ta’ anzjana f’San Ġiljan. Il-pulizija qalet li ġiet informata bis-serqa minn residenza fi Triq Ċensu Tabone li tinsab fiż-żona…

Infrastruttura

Dik li kienet il-Biċċerija l-Antika lejn in-naħa t’isfel tal-Belt, mix-xahar id-dieħel se tkun il-Valletta Design Cluster – proġett li ser ikun wirt ieħor li jibqa’ minn fost kullana ta’ inizjattivi…

Statistika

Skont l-Uffiċċju Nazzjonali tal-istatistika, bejn April u Ġunju, l-inċidenti fit-toroq naqsu bi kważi 41% meta mqabbel mas-sena l-oħra. Iċ-Chairman tal-Kunsill għas-sigurtà fit-toroq iżda ma tbissimx wisq quddiem din l-istatistika, fosthom…

Aktar