Barranin
Għamel bypass f’qalbu u għandu 80 sena, iżda reġa’ mar fuq il-bank tal-iskola

Anzjan ta’ 80 sena fi Spanja ma qatax qalbu jerġa’ jirritorna fuq il-bank tal-iskola biex jistudja l-Istorja, iżda mhux biss. Miguel Castillo se jkun fost grupp ta’ studenti żgħażagħ li jmorru jistudjaw l-Italja permezz tal-programm ta’ skambju tal-Erasmus.

Castillo, li huwa missier ta’ tlieta u nannu ta’ sitta, qed jistudja l-Istorja fl-Università ta’ Valencia. Jgħid li ftit wara li rtira mill-karriera ta’ nutar, tah attakk f’qalbu u kellu jagħmel operazzjoni kbira tal-bypass.

Minn dak iż-żmien ħass li reġa’ twieled mill-ġdid, u ried jagħmel xi ħaġa mhux tas-soltu. Għalhekk iddeċieda li jibda jistudja l-Istorja, li minn dejjem kienet tinteressah.

Fuq parir ta’ wieħed mill-professuri tiegħu, Castillo applika biex imur jistudja f’Verona bil-programm tal-Erasmus.

Jgħid li ma jħossux barra minn loku qalb iż-żgħażagħ, anzi jħossu parti minnhom. “Jitrattawni b’mod eċċellenti, l-età biex problema!” isostni Castillo.

Aħbarijiet Oħra
Brexit

Fir-Renju Unit, il-Prim Ministru Theresa May wissiet li għexieren ta’ membri parlamentari konservattivi li normalment huma leali lejn il-partit jistgħu jiħduha kontra l-Gvern biex jipprevenu milli jsir Brexit mingħajr ftehim…

Barranin

L-Olanda trid timplimenta miżuri biex tiġġieled il-korruzzjoni.  Dan intqal fir-rapport ta’ evalwazzjoni ppubblikat mill-GRECO, il-grupp ta’ stati kontra l-korruzzjoni fil-Kunsill tal-Ewropa. Din ir-rakkomandazzjoni qed issir fil-konfront tal-persuni li għandhom karigi…

Barranin

Mara mietet u 28 persuna oħra qed jingħataw kura wara li sofrew minn avvelenament bl-ikel li kielu minn restorant prim (Michelin) fil-Lvant tal-belt Spanjola ta’ Valencia. Il-mara ta’ 46 sena…

Kurżitajiet

Josh Barry, kittieb li għandu l-kundizzjoni tas-cerebral palsy qatta’ l-aħħar 9 snin jikteb ktieb fuq ħajtu bi mnieħru. Minkejja l-limitazzjonijiet li jaffaċċja kuljum, Josh Barry ma jaqtax qalbu u permezz tat-teknoloġija…

Aktar