Barranin
Għamel kirurġija plastika fuq għadd ta’ nisa wara li ppoża bħala tabib

Taljan li ppoża bħala tabib tal-kirurġija plastika wettaq għadd ta’ operazzjonijiet fir-Rumanija, bil-pazjenti tiegħu jispiċċaw isofru minn kumplikazzjonijiet.

Fuq il-midja soċjali Matteo Politi ta’ 39 sena kien jirreklama lilu nnifsu bħala espert fil-kirurġija tas-sider, u rnexxielu jqarraq b’erba’ kliniki u l-pazjenti tagħhom f’Bucharest. Politi kien qed jippoża taħt l-isem ta’ tabib Ingliż; Matthew Mode.

Allegatament l-infermiera li ħadmu miegħu waqt l-operazzjonijiet għokrithom għajnhom minnu meta deher li lanqas jaf affarijiet bażiċi, bħal jaħsel idejh sew u jilbes l-ingwanti. Intqal li operazzjonijiet li kellhom jieħdu siegħa spiċċaw tawlu erba’ sigħat u ma sarux kif suppost.

Politi ġie arrestat mill-awtoritajiet Rumeni u mistenni jitressaq quddiem il-Qorti. Intqal li fil-passat kien diġà pprova jippoża ta’ tabib fl-Italja, iżda kien biss irnexxielu jagħmel żewġ punti fuq pazjent qabel ma nqabad.

Aħbarijiet Oħra
Barranin

Tifel ta’ 14-il sena miet wara li missieru waqa’ minn fuq is-sellum għal fuqu. L-inċident seħħ f’Ruma waqt li l-missier u l-iben kienu qed jgħinu lil xulxin waqt li jirranġaw…

Barranin

Il-kardinal Ġermaniż Reinhard Marx qal li hemm evidenza ċara li dokumenti dwar abbużi sesswali tat-tfal inqerdu, biex jinħeba l-abbuż li kompla għaddej bla xkiel. “Files that could have documented the…

Barranin

Il-President tas-Sudan, Omar al-Bashir, iddikjara stat ta’ emerġenza, xolja l-gvern federali u keċċa l-gvernaturi tal-istat kollha. Sigħat wara, Bashir ħatar membri tal-forzi tal-ordni bħala gvernaturi u żamm lill-ħames membri tal-kabinett,…

Barranin

L-Italja wkoll maħkuma minn maltemp qawwi li miegħu mhux biss ġab ħsarat kbar iżda ħasad ukoll il-ħajja ta’ 3 persuni. Fi Frosinone, 2 persuni tilfu ħajjithom u ħalla 2 oħra…

Aktar