Lokali
Għan li jħeġġeġ l-għoti tal-ftit mill-ħafna

Hu minnu li ż-żminijiet tal-festi ma tantx jagħmlu tajjeb għall-but . . . minn xiri ta’ rigali u ħwejjeġ, żraben u aċċessorji, ikliet, xorb u kwalunkwe ħaġa oħra li ssebbaħ il-memorja tal-festi. Il-Milied għandu wkoll naħa altruwistika u spiritwali li tqanqal li wieħed jaħseb f’ħadd ieħor.

L-attività: l-Istrina Cent Stunt għandha l-għan tħeġġeġ l-għoti tal-ftit mill-ħafna.

Din hija t-tieni darba li qed issir is-cent stunt fil-Belt bħala parti mill-attivitajiet tal-Istrina. Is-sena l-oħra minnha nġabru iktar minn €30,000. Waqt żjara li għamlet il-President Marie Louise Coleiro Preca, hija qalet li l-flus li jinġabru mill-Istrina huma kruċjali biex jgħinu lil dawk li jenħtieġu l-kura u t-trattamenti għall-kanċer u mard ieħor.

Fl-isfond tal-attivitajiet li kienu għaddejjin quddiem il-bini tal-Parlament waqt l-Istrina Cent Stunt, is-Segretarja tal-Fondazzjoni Malta Community Chest Fund, Dorothy Vassallo spjegat li l-għan tal-isfida huwa biex sal-Ħadd filgħaxija, ix-xbieha tal-Istrina li hemm mal-art timtela b’muniti taż-żewġ ewro.

Is-Segretarju Malta Community Chest Fund, Dorthy Vassallo qalet  ”it-talbiet tan-nies li jiġu għall-għajnuna żdiedet għaliex il-mard tal-kanċer żdied u l-ispejjeż tal-kemoterapija żdiedu wkoll. Fix-xahar qed noħorġu €800,000 kull xahar biex ngħinu lil min għandu bżonn allura f’sena sħiħa, dawn jammontaw għal somma sostanzjali u aktar ma niġbru iktar ifisser… li iva qegħdin hemm biex jagħtu s-support sostanzjali lil min għandu bżonn.”

Hija qalet li l-kampanja tal-Istrina tappella għall-istint ġeneruż u empatiku tal-poplu Malti billi tħeġġiġhom jikkontribwixxu biex jgħinu lil dawk li verament għandhom bżonn.

L-Istrina tilħaq il-qofol tagħha l-għada tal-Milied taħt il-patronċinju tal-President Marie Louise Coleiro Preca, f’xandira maratona li fiha l-kontribuzzjonijiet f’din l-attività, flimkien ma’ ġbir minn attivitajiet oħra u għotjiet mogħtija waqt il-maratona jingħaddu flimkien biex titħabbar is-somma finali li tkun inġabret.

 

Aħbarijiet Oħra
Turiżmu

Il-Maltin jivjaġġaw l-iżjed bl-ajru, u skont statistika tal-Eurostat, 63 fil-mija tal-vjaġġi tal-Maltin fl-2017 saru bl-ajru. Dan ipoġġi lil Malta fl-ewwel post, anke meta mqabbel ma’ gżejjer oħra. Fil-fatt, filwaqt li…

Qorti

Fil-Qorti llum ngħalqu l-provi kontra Liam Debono, li qed ikun akkużat bl-attentat ta’ qtil tas-Surġent Simon Schembri fil-15 ta’ Mejju 2018. Il-proċeduri issa mistennija jkomplu billi jinħareġ l-Att ta’ Akkuża…

Politika

L-Assemblea Parlamentari tal-Kunsill tal-Ewropa li tirrappreżenta 47 pajjiż, approvat rapport kritiku dwar is-saltna tad-dritt f’Malta li tħejja mill-Parlamentari Olandiż Pieter Ormtzigt. Ir-rapport ġie approvat bit-72 vot favur, 18-il vot kontra…

Propjetà

Il-membru tal-Bord tal-Ippjanar tal-Awtorità tal-Ippjanar, Matthew Pace, mhuwiex preżenti għal-laqgħa tal-lum li fiha qed tkun diskussa l-applikazzjoni għall-proġett Townsquare t’Tas-Sliema. Il-ġimgħa li għaddiet il-Qorti tal-Appell sabet li s-Sur Pace kellu…

Aktar