Stejjer Umani
“Għandi 24 sena u nħossni bla saħħa” – Mandy Vella

Mandy Vella li għandha 24 sena biss qed tgħix bi tbatija kbira minħabba li tbati b’Cystic Fibrosis. Hija tgħid li din qed taffettwalha l-pulmun u l-firxa, tbati bil-qtugħ ta’ nifs u ma tistax taħdem normali. Il-kundizzjoni tagħha taffettwa madwar għoxrin ruħ f’Malta u issa hemm tama b’mediċina ġdida li iżda tiswa’ l-belli liri.

Mandy Vella kellha biss tliet snin meta l-ġenituri tagħha ndunaw li kellha xi ħaġa mhux normali, u ngħataw l-aħbar li kellha l-kundizzjoni cystic fibrosis li sa dak iż-żmien qatt ma kienu semgħu biha. Cystic Fibrosis hija diżordni fil-ġenetika li taffettwa l-pulmun, il-frixa, il-musrana u l-fwied. Mandy qalet li qed tħoss saħħitha sejra lura ħafna.

Mandy Vella qalet “riċenti kelli nnaqas il-ħinijiet tax-xogħol, bdejt ngħajja ħafna, 8 sigħat kien qed ikun too much għalija, jinqatagħli nifsi, għajjiena, nibda nisgħol”.

Mandy qalet li bħalissa hawn mediċina jisimha Orkambi fir-Renju Unit, li tiswa €100,000 fis-sena, u li f’Malta għalissa mhix aċċessibbli.

“Mediċina li kapaċi żżommok stabbli, u jkun hemm improvements biha, hopefully li tkun tista’ tiġi Malta, biex min għandu CF ikollu l-kura” qalet Mandy.

Mandy qalet min ikollu Cystic Fibrosis isofri ħafna mill-mikrobi li jieħu minn ħaddieħor.”Aħna rridu noqogħdu attenti minn germs, riħ jew xi ħadd jagħtas” kompliet tgħid Mandy.

Mandy qalet li se taħdem kemm tiflaħ għal kampanja ta’ għarfien u qed tappella għall-għajnuna biex il-ħajja ta’ tfal u nies oħra li għandhom Cystic Fibrosis ikollhom tama ta’ ħajja aħjar.

Aħbarijiet Oħra
Edukazzjoni

Il-Ministru għat-Turiżmu, Konrad Mizzi, qal li din is-sena l-istudenti li nkitbu għall-istitut għall-istudji turistiċi, l-ITS, żdiedu b’84% fuq is-sena li għaddiet. Waqt il-ftuħ tas-sena akkademika tal-ITS, il-Ministru ħabbar li din…

Lokali

Għadd ta’ mogħoż ilhom jumejn jidhru jduru fuq l-irdum f’Wied iż-Żurrieq, fl-inħawi tal-Munqar. Ir-ritratt, li ttieħed ilbieraħ minn post magħruf bħala l-Ħnejja, juri madwar sitt mogħżiet. Wara li r-ritratt ittella’…

Kronaka

Żewġ xufiera ta’ coaches dalgħodu rrikorrew għall-kura f’ċentru tas-saħħa wara ħabta fl-ajruport internazzjonali ta’ Malta. L-inċident seħħ għall-ħabta tas-6.00am bejn coach tal-Aviaserv u coach tal-AirMalta, li ma kinux qed iġorru…

Xogħol

Il-Ministru Edward Zammit Lewis, filwaqt li nieda l-Premju Nazzjonali Ħaddiema tas-Sena, qal li l-ekonomija tistrieħ fuq il-ħaddiem, u li dan il-premju jirrikonoxxi l-bżulija. Iċ-Chairperson tal-kumitat organizzattiv, Angela Agius, spjegat li…

Aktar