Reliġjon
“Għandkom raġun tkunu rrabbjati għall-Knisja” – il-Papa

Il-Papa Franġisku wasal fil-kapitali tal-Estonja, Tallin, fl-aħħar ġurnata tat-tour tiegħu fil-pajjiżi Baltiċi. Huwa kien milqugħ fl-ajruport mill-President Estonjan Kersti Kaljulaid. Minbarra laqgħat ma’ uffiċjali tal-gvern u anke kkonċelebra Quddiesa, il-Papa ħa sehem f’laqgħa ekumenikali maż-żgħażagħ.

Liż-żgħażagħ, il-Papa Franġisku qal li għandhom kull dritt ikunu irrabbjati għall-Knisja Kattolika fil-mod ta’ kif aġixxiet fl-iskandli tal-abbużi sesswali, hekk kif qed tiffaċċja akkużi ġodda fiċ-Ċilì u fil-Ġermanja. Qal li jrid li l-Knisja tkun kommunità bla biża’.

“Aħna nafu li kif għedtulna intom ħafna żgħażagħ ma jdurux fuqna għal xi ħaġa għaliex ma jħossux li għandna xi ħaġa sinifikanti x’ngħidulhom. Dan huwa orribbli. Meta Knisja, komunità taġixxi b’tali mod, iż-żgħażagħ jaħsbu li dawn in-nies ma jgħidu xejn li se jservi l-ħajja tiegħi” qal il-Papa Franġisku.

L-Estonja hija waħda mill-iktar pajjiżi sekulari fid-dinja, b’4,500 kattoliku biss minn popolazzjoni ta’ 1.3 miljun persuna.

Aħbarijiet Oħra
Barranin

Qed ikun meqjus l-ewwel każ tax-xorta tiegħu fl-istorja politika, dak tal-Prim Ministru tas-Serbja Ana Brnabic, li s-sieħba tagħha għadha kemm welldet tifel. Brnabic, li għandha 43 sena, hija mhux biss…

Reliġjon

L-Arċisqof ta’ Malta, Charles J. Scicluna, dalgħodu indirizza summit fil-Vatikan dwar il-protezzjoni tat-tfal. L-Arċisqof, li kien jokkupa l-kariga ta’ prosekutur f’każijiet ta’ abbuż mit-tfal, tkellem fil-ftuħ tas-summit li se jkun…

Barranin

Terapija ġdida fl-Ingilterra qed tagħti tama lil dawk li qed jitilfu l-vista. L-isptar Oxford Eye, f’Ingliterra qiegħed jamministra terapija marbuta mal-ġenetika tal-persuna biex jgħin lill-pazjenti li jbatu biex jaraw ma…

Barranin

In-nirien li nfirxu fid-distrett storiku Dhaka f’Bangladesh wasal għall-mewt ta’ 70 persuna. In-nar infirex wara li feġġ f’binja residenzali li fiha kien hemm xi kimiċi perikolużi. Peress li t-toroq huma…

Aktar