Barranin
Għarusa titkaża bl-aġir ta’ mistiedna li mliet 10 kontenituri bl-ikel mit-tieġ

F’Pennsylvania, għarusa qasmet l-esperjenza li kellha fuq il-media soċjali u tkażat b’waħda mill-mistednin għall-aġir xejn etiku li kellha waqt it-tieġ tagħha.

L-għarusa kitbet fuq Facebook li tinsab iddiżgustata b’dan l-atteġġjament u rrakkontat kif hi u żewġha kellhom ċerimonja u riċeviment żgħir tat-tieġ, b’madwar 25 mistieden, li l-parti l-kbira kienu familjari u ħbieb.

Waħda mill-mistednin kienet ħabiba ta’ missierha, li stednitha biex ikollu ma’ min jissoċjalizza minbarra ma’ ommha.  Ftit tal-jiem qabel it-tieġ, din il-mistiedna talbet lil missierha jekk tistax tieħu lil bintha u lil żewġha magħha t-tieġ u s’hemm l-għarusa ma sabitx oġġezzjoni.

Iżda meta marret it-tieġ, mingħajr żewġha, din il-mistiedna dehret b’10 kontenituri tal-plastik, li 7 minnhom imliethom bl-ikel, 3 oħra bil-ħelu li kien hemm fil-buffet, filwaqt li ħadet xi fliexken tal-birra u ħafna mill-fjuri li kien hemm fuq l-imwejjed.

L-għarusa kitbet li dak il-ħin tat-tieġ ma ndunatx b’dak li kien ġara, iżda l-għada tat-tieġ missierha qalilha x’kienet għamlet dik li suppost il-ħabiba tiegħu.  Agħar minn hekk, l-għarusa rrabjat meta sabet li bħala rigal din il-mara kienet tatha $5 biss.

Żiedet tgħid li din il-mara mhix fqira, anzi ħafna iktar sinjura minnha, u għalhekk kienet sorpriża b’dak li ġara.

 

Aħbarijiet Oħra
Barranin

F’Los Angeles qed isiru l-aħħar tħejjijiet għall-Grammy Awards li jippremjaw l-iżjed muziċisti rikonoxxuti fl-industrija. Fost in-nominati hemm tliet nisa fil-qasam tal-mużika klassika, li qalu jittamaw li l-kisbiet tagħhom jispiraw nisa…

Barranin

Il-belt Ċiniża ta’ Wuhan mistennija tibni sptar fi żmien sitt ijiem għal dawk il-pazjenti li laqqtu l-coronavirus. Il-virus ħakem il-ħajja ta’ 41 persuna u madwar 800 persuna oħra jinsabu maħkuma…

Kurżitajiet

Fil-Kanada, raġel sar eroj f’belt twelidu, l-Alberta wara li sab soluzzjoni f’waqtha u salva tlitt ifrieħ ta’ qtates minn ħalq il-mewt. Il-qtates ġew abbandunati barra fis-silġ u kawża t’hekk kienu…

Barranin

Il-logħob tal-futbol jaf iġib miegħu ferħ iżda jaf iġib miegħu stress ukoll. Skont riċerka li saret dawk il-fanatiċi fuq il-logħba tal-ballun isofru minn stress qawwi tant li jkunu f’riskju li…

Aktar