Qed torqod fuq pultruna għax tibża’ li l-binja tal-ġirien tkompli tiġġarraf

Deċiżjoni mill-Qorti, li ordnat lis-sidien ta’ blokka li ġġarrfet fil-Mellieħa biex jagħmlu xogħlijiet bi spejjeż tagħhom, qajmet kontroversja, b’uħud iħossu din il-liġi inġusta fil-konfront ta’ min ikun għadu kemm tilef daru.

Fl-istorja iżda hemm vittmi oħra, moħbija fuq in-naħa ta’ wara tal-binja li ġġarrfet, li għadhom qed jgħixu fil-biża’ kuljum.

Il-familja Borg, li d-dar tagħha tmiss min-naħa ta’ wara mal-binja li ġġarrfet xahar ilu, qed tgħix fil-biża’ li l-kumplament tal-binja li għadha wieqfa, tigġarraf minn ħin għall-ieħor.

Dan peress li l-appoġġ li jifred il-binja li iġġarrfet minn mal-bitħa tal-familja Borg huwa mimli konsenturi.

Loredana Borg Agius qalet lil TVM, li l-perit imqabbad mill-familja wissihom li dan il-ħajt qiegħed fi stat perikoluż.

“Iktar ma jgħaddi ż-żmien iktar qed jinfetħu x-xquq, iktar qed jidher saħansitra l-bricks issa, ġifieri inqala’ minn mal-apoġġ tal-binja biswit, u hemm il-bitħa tal-kunjata u l-maisonette ta’ ħdejh, kif taraw dik il-parti fejn hemm ix-xquq, dik qiegħda fil-periklu, mhux sular jew tnejn, imma tibqa’ tielgħa sa fuq nett,” spjegat is-Sinjura Borg Agius.

Fid-dar tal-familja Borg jgħixu koppja anzjana; Tony u Christina, flimkien ma’ binhom b’diżabbiltà.

Is-Sinjura Borg qalet li jiddispjaċiha ħafna għall-ġirien li tilfu darhom, iżda anki hi u familtha spiċċaw vittma tas-sitwazzjoni.

Minħabba l-periklu ta’ aktar tiġrif, ngħataw parir biex ma jużawx il-kmamar ta’ wara; il-kċina u kamra tas-sodda. Tgħid li mal-lejl ġieli tisma’ ħoss u tqum tiġri.

“Ilni ma norqod sew kemm ilha li waqgħet id-dar l-oħra, fuq pultruna qed norqod, għax hemm inħossni komda, li hu sigur. Nixtiequ li din is-sitwazzjoni tirranġa mill-iktar fis li tista’,” qalet is-Sinjura Borg.

B’qalb imtertqa, is-Sinjura Borg tittama li ma tispiċċax mirduma taħt darha qabel l-affarijiet jitranġaw.

Ara wkoll:

ARA: Il-mument li ġiet salvata l-mara mill-binja li ġġarrfet

Aħbarijiet Oħra
COVID-19

Il-Ministeru għas-Saħħa kkonferma li mhemm l-ebda każ ġdid għal-lum ta’ Coronavirus f’Malta. Tħabbar ukoll li 14-il persuna oħra ġew imfejqa mill-virus biex b’hekk it-totla ta’ mfejqa s’iss jitla’ għal 576…

Lokali

Id-destin tal-ponta ta’ Paceville reġa’ jinsab fl-arena ta’ argumenti favur u kontra l-iżvilupp propost mill-grupp DB. Il-Moviment Graffitti b’koalizzjoni ta’ għaqdiet u tliet kunsilli lokali ddikjara li anke l-pjanti riveduti…

Lokali

L-MUT ordnat tilwima industrijali mal-Gvern u ordnat direttivi sabiex fi kliemha tħares is-saħħa u s-sigurtà tal-membri. Fi stqarrija, l-MUT qalet li ma ġiet involuta bl-ebda mod fid-diskussjonijiet dwar id-deċiżjoni mill-Gvern…

Għawdex

B’investiment ta’ €130,000 waslu fl-aħħar stadju tagħhom ix-xogħlijiet fuq l-għassa ta’ Marsalforn, biex fi ftit tax-xhur oħra tkun tista’ taqdi aħjar lir-residenti u l-eluf li jżuru l-lokalità speċjalment fix-xhur tas-sajf….

Aktar