Lokali
Graziella u Fallon kienu qishom “ħabel u satal” – iċ-ċelebrant tal-funeral

Ħaż-Żabbar dalgħodu ta l-aħħar tislima lil Graziella u Fallon Mallia li mietu traġikament nhar il-Ħadd f’inċident tat-traffiku li seħħ fil-limiti tal-Mosta u l-Imġarr.

Graziella Mallia ta’ 53 sena li kienet qed issuq Maruti u bintha Fallon ta’ 31 sena li kienet passiġġiera tilfu ħajjithom f’ħabta head-on ma’ Audi li kienet qed tinstaq minn xufiera ta’ 31 sena.

Fi knisja ppakkjata bin-nies, Patri Joe Giuliano fl-omelija qal li Graziella u Fallon dejjem kienu jkunu flimkien u kull fejn kienu jmorru dejjem tara lil waħda u lill-oħra qishom ħabel u satal.

Fil-preżenza ta’ numru kbir ta’ Żabbarin li ħonqu s-Santwarju, il-Pirjol faħħar l-imħabba taż-żewġ nisa lejn it-tifel u n-neputi rispettivament matul ħajjithom u qal li l-aġir tagħhom għandu jservi bħala mudell ghalina lkoll li naghmlu l-ġid matul ħajjitna u mhux biss inħalluh wirt materjali lil ta’ warajna.

Kien hemm ukoll l-abbatini li magħhom it-tifel jagħti servizz regolari.  It-twiebet ta’ Graziella u Fallon waqfu għas-salut quddiem il-vara ta’ Sidtna Marija tal-Grazzja biex imbagħad ingħataw salut fuq iz-zuntier mis-Soċjetà Filarmonika Maria Mater Grazia ta’ Ħaż-Żabbar li magħha kienet iddoqq il-klarinett Fallon.

Gepostet von Jonathan Barbara am Mittwoch, 17. April 2019

Fl-inċident fatali ta’ nhar il-Ħadd kien hemm involuti 10 persuni b’kollox.  Fil-Maruti kien hemm ukoll omm Graziella, Lucy li għandha 77 sena u n-neputi tagħha Eli ta’ 12-il sena li ġew rikoverati l-isptar minħabba l-ġrieħi serji li sofrew.

Magħhom kien hemm żewġ passiġġiera oħra, raġel ta’ 44 sena li sofra minn ġrieħi gravi u mara ta’ 29 sena li ma sofriet ebda ġrieħi.

Fl-Audi kien hemm żewġt ibniet ta’ 11-il sena u 9 snin, kif ukoll tarbija ta’ sena li sofrew ukoll minn ġrieħi serji u qed jingħataw kura fl-isptar ukoll.

Ara wkoll:

Graziella u Fallon Mallia l-vittmi tal-inċident fl-Imġarr

“Ftit qabel l-inċident konna bilqiegħda ħdejn xulxin nisimgħu Quddiesa”

Aħbarijiet Oħra
Lokali

Il-Kummissarju tat-Taxxi Interni, Marvin Gaerty, qal li kull persuna u kumpanija f’Malta li nkixfu mill-Panama Papers u Swiss Leaks, qegħdin jiġu investigati u għalkemm diġà nġabru aktar minn €100 miljun…

Kronaka

L-Erbgħa filgħodu, fl-iskola sekondarja tar-Rabat Għawdex, tliet studenti subien kellhom jittieħdu l-isptar minħabba li belgħu xi pilloli tal-irqad. Qal dan fi stqarrija l-Ministeru għall-Edukazzjoni, fejn qal li kienu l-istudenti stess…

Ekonomija u Finanzi

Il-Kamra tal-Kummerċ, l-Industrija u l-Intrapriża proponiet numru ta’ miżuri kif fil-fehma tagħha l-ekonomija Maltija tista’ tkompli tikber b’mod sostenibbli b’rispett lejn l-ambjent u l-kwalità tal-ħajja. Ir-rakkomandazzjonijiet inġabru f’dokument li joffri…

Mużika

Songcraft, proġett li jifforma parti mill-programm ta’ Spazju Kreattiv b’kollaborazzjoni ma’ Aġenżija Żgħażagħ reġa’ lura wara l-proġett pilota fl-2019 fejn ta opportunità lil kantawturi promettenti ta’ bejn is-16 u l-20 sena. Il-kantawturi magħżula…

Aktar